فوئاد حسێن: بەم نزیكانە كێشەی مووچەی فەرمانبەرانی هەرێم چارەسەر دەبێت
فوئاد حسێن وەزیری دەرەوەی عێراق
وێستگه‌نیوزـ
فوئاد حسێن وەزیری دەرەوەی عێراق رایگەیاند، بەم نزیكانە كێشەی مووچەی فەرمانبەرانی هەرێم چۆنیەتی جێبەجێكردنی یاسای بودجەیە چارەسەر دەبێت.
فوئاد حسێن، لە میانی لێدوانێكدا راشیگەیاند، "بابەتی مووچەی فەرمانبەرانی هەرێم لە یاسای بودجەی گشتی عێراق چارەسەركراوە".
وەزیری دەرەوەی عێراق ئەوەشی راگەیاند: ئەوەی كێشەیە چۆنیەتی جێبەجێكردنی یاساكەیە، كە بەم نزیكانە ئەویش یەكلادەبێتەوە".
وەزیری دەرەوەی عێراق باسی له‌وه‌شكر، بڕیارە مووچەی مووچەخۆرانی هەرێم لە رێگەی بانکی TBIیەوە دابەشبکرێت.
لای خۆشیەوە سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق رایگەیاند، لە چوارچێوەی یاسا و دەستوور ئەم کێشەی مووچە چارەسەر دەکەن و لە پەرلەمانی عێراق گفتوگۆکراوە کە دەبێت فەرمانبەرانی هەرێم مافی خۆیان لە کاتی خۆیدا وەربگرن کە سەرەتایترین مافیان مووچەیە.
ئەمەش لەکاتێکدایە، رۆژی رابردوو جوڵانەوەی نەوەی نوێ و چەند فراکسیۆنێکی دیکە لە پەرلەمانی عێراق نوسراوێکیان ئاڕاستەی حکومەتی فیدراڵ کردووە کە مووچەی فەرمانبەران تێکەڵی کێشە سیاسییەکان نەکرێت و لە کاتی خۆیدا بنێردرێت.
AM:11:41:04/10/2023
ئه‌م بابه‌ته 1196
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت