ستران عه‌بدوڵا: لە کۆنگرەی پێنجی یەکێتیی دەسەڵاتی تەفویز و شەرعیەتی دیموکراسی بە بافڵ تاڵه‌بانی دەدرێت
ستران عه‌بدوڵا، ئه‌ندامی مه‌كته‌بی سیاسی یه‌كێتی
وێستگه‌نیوزـ
ستران عه‌بدوڵا، ئه‌ندامی مه‌كته‌بی سیاسی یه‌كێتی رایگه‌یاند، لە کۆنگرەی پێنجی یەکێتیی دەسەڵاتی تەفویز و شەرعیەتی دیموکراسی بە بافڵ تاڵه‌بانی و سیاسەتەکانی دەدرێت.
ستران عەبدوڵا، لەمیانی بەشداریکردنی لەبەرنامەی پانۆڕامای کەناڵی کوردسات وتی: "کۆنفرانسی مەکتەب و مەڵبەندەکان بە باشی، نۆرماڵ و هەڤاڵانە و دیموکراتی بەرێوەچوو".
وتیشی: "ھەڤاڵانی ئەندامی کۆنگرەی یەکێتیی بڕیاردەدەن یەکێتیی چەند دامەزراوەی بمێنێت و بۆچی و چۆن پوخت بکرێتەوە".
"مەسئولیەتی ئەندامانی کۆنگرە مەسئولیەتێکی قورسە، بۆ دانانی ھەیکەلیەتێکی باش و پەیڕەو و بەرنامەیەکی نوێباو بۆ یەکێتیی"، ستران عه‌بدوڵا وای وت.
به‌شێكی تر له قسه‌كانی ستران عه‌بدوڵا له به‌رنامه‌ی پانۆرامای كه‌ناڵی ئاسمانی كوردسات:
- یەکێتیی ئێستا لە قۆناغێکی هەرە تازەی خەباتدایە.
- بەرنامەیەکی زۆر باشی سیاسی بۆ یەکێتیی دابرێژرێت کە دەرەقەتی خەبات و تێکۆشانی قۆناغەکانی داھاتوو بێت.
- یەکەمجارە یەکێتیی لەکاتی خۆیدا کۆنگرە دەبەستێت و ئیتر ئەمە دەبێتە نەریت
- ئاواتی سەرۆک مام جەلال و تێکۆشەران بوو کە کۆنگرەکانی یەکێتیی لەکاتی خۆیدا بکرێت.
- لەپێنجەمین کۆنگرەی یەکێتیی ستراتێژ و بەرنامەی نوێی سیاسی بۆ قۆناغی داھاتوو دادەرێژرێت.
- پێویستە حزبەکان نوێگەری بکەن چونکە هەر ئەوان نوێنەرایەتی نوێکردنەوەی پرۆسەی سیاسی و خزمەتی میللەت دەکەن .
- کۆنگرەی یەکێتیی کاریگەری لەسەر ھەرێم و عیراق دەبێت.
- یەکێتیەکی پتەو دەتوانێ رووبەرووی ئەرکەکان ببێتەوە.
- ئێستا یەکێتیی حزبێکی دامەزراوە ، یەک ئاراستە و یەک سیاسەتی ھەیە و کۆنگرەش ئەمە دەچەسپێنێ
- کۆنگرەی یەکێتیی دەبێت ببێتە سەرەتایەکی تر بۆ گۆڕانکاری لەناو کوردستاندا.
- کۆنگرەی پێنجی یەکێتیی کۆنگرەیەکی ھەڤاڵانە و دیموکراسیانە دەبێت.
- سەرۆک بافڵ بەربەستەکانی بەردەم بەستنی پێنجەمین کۆنگرەی یەکێتیی لابرد.
- سەرکەوتووی یەکەمی کۆنگرە هەر یەکێتیی نیشتیمانیی کوردستان دەبێت.
- ئەو کۆنگرەیە بۆ یەکێتییە پێش ئەوەی بۆ یەکێتییەکان بێت.
- یەکێتیی حزبێکە لەخزمەت کۆمەڵانی خەڵکی کوردستان دایە بۆیە کۆنگرەکەشی بۆ خزمەتی خەڵکە
- لە کۆنگرەی پێنج، یەکێتیی جەختدەکاتەوە لەکۆدەنگی لەبریاردان.
- دیدار و چاوپێکەوتنە گرنگەکانی سەرۆک بافڵ لەبەغدا و لەگەڵ نێردە و دیپلۆماتی وڵاتان بۆ خزمەتکردنی خەڵک و دابینکردنی ژیان و بژێویە بۆ گەلەکەمان.
- ئامادەبونی یەکێتیی لەبەغدا لەئامادەبونی 80 کورسی دەچێت نەوەک 18 کورسی، لەئامادەبونی سەنگی یەکێتیی دەچێت نەک دەنگ و کورسی.
- لەئێستادا چەقی بەرگریکردن لەمافەکانی خەڵکی کوردستان لەبەغدادە و لە بەغداش هەموو شتێکمان بەدڵ نییە.
- دەبێت لەبەغداوە پێداگری لەسەر مافەکانی گەلی کورد بکرێت.
- ژیان و گوزەرانی خەڵک لای یەکێتیی لەئەولەویەتدایە.
- لە کۆنگرەی پێنجی یەکێتیی دەسەڵاتی تەفویز و شەرعیەتی دیموکراسی بە سەرۆک بافڵ و سیاسەتەکانی دەدرێت
- بەشێک لەکێشەکانی ھەرێم و خراپی یەیوەندەیەکانی لەگەڵ بەغدا بە هۆی تێکچونی سیاسەتی ھاوسەنگیە لە کوردستان.
- کۆنگرە گەورەترین دەسەڵاتە لەناو یەکێتیی.
- سەرۆک بافڵ بەستنی کۆنگرەی بەردەوامی یەکێتی دەکات بە شتێکی نۆرماڵ .
- ھەیکەلی یەکێتیی جێگای ھەموو تێکۆشەرانی یەکێتیی تێدایە.
- لەئێستاشدا یەکێتیی خوێن دەبەخشێت لەپێناو کوردستاندا . هەفتەی رابردوو شەهید و مانگی رابردووش شەهیدمان داوە
- یەکێتیی حزبێکی شەھیدپەروەرە، شەهیدخواز نییە، کە پێویست بکات بۆ کوردستان گیانبازی دەکات.
PM:12:13:22/09/2023
ئه‌م بابه‌ته 2144
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت