‌فەرمى.. بایرن میونخ بڕیارى كۆتایی لەسەر كۆتینۆ دا

وێستگە سپۆرت-

بەشێوەیەكى فەرمى یانەى بایرن میونخى ئەڵمانى داهاتووى فلیپ كۆتینۆى بەڕازیلى وئەستێرەى یانەى بەرشەلۆنەى یەكلایی كردەوە كە لە ئێستادا بە خواستن یارى بۆ یانە باڤارییە كە دەكات .

لە میانەى لێدوانێكیدا  بۆ گۆڤارى دیر شبیگڵى ئەڵمانى  كارل هاینز ڕۆمەنیگەى بەڕێوەبەرى جێبەجێكارى بایرن میونخ دەڵێت: ئەمڕۆ كاتى ئەو خاڵە كۆتاییهاتووە كە بەرامبەر 120 ملیۆن یۆرۆ و بە یەكجارى تواناكانى كۆتینۆ بە دەستبهێنین.

ڕۆمەنیگە دەشڵێت: كاتەكە كۆتاییهات ونەمان كڕى .

كۆتینۆ لەگەڵ بایرن میونخ 32 یارى ئەنجامدا لە تەواوى پاڵەوانێتییەكان و نۆ گۆَڵى تۆماركردوو وهەشت گۆڵیشى بۆ هاوڕێكانى دروست كرد.

بەم پێیەش لەم هاوینەدا ئەو ئەستێرە بەڕازیلیە دەگەڕێتەوە بەرشەلۆنە .
 


AM:10:45:23/05/2020


ئه‌م بابه‌ته 9508 جار خوێنراوه‌ته‌وه‌‌