‌ڕیاڵ مەدرید چاودێڕى ڕیكاردۆ كاكاى نوێ دەكات

وێستگە سپۆرت-

یانەى ڕیاڵ مەدریدى ئیسانى چاودێرى تواناكانى ئیگۆر گۆمێزى بەڕازیلى وئەستێرەى لاوى هێڵى ناوەند یانەى ساوپاولۆى بەڕازیلى دەكات كە بە ڕیكاردۆ كاكاى نوێ ناسراوە .

لەوبارەیەوە ڕۆژنامەى ئاسى نزیكى یانەى شاهانە ئاماژەى بەوە كردووە كە لە ئێستادا سیاسەتى ڕیاڵ مەدرید ئەوەیە گرێبەست لەگەڵ یاریزانى لاو واژووبكات .

ڕۆژنامەكە دەڵێت كە یانەى شاهانە ئارەزووى بەدەستهێنانى ئیگۆر گۆمێز دەكات كە بە ڕیكاردۆ كاكاى نوێ ناسراوەو تەمەنى 21 ساڵە ولە هێڵى ناوەندى یانەى ساوپۆلى بەڕازیلى یارى دەكات .

گۆمێز مەرجى هەڵوەشاندنەوەى گرێبەستەكەى لەگەڵ یانەى ساوپاولۆ 50 ملیۆن یۆرۆیە جێگەى ئاماژەیە جگە لە ڕیاڵ مەدرید یانەكانى بەرشەلۆنە وئیشبیلیە وئەیاكس گرنگى بە گواستنەوەى ئەو ئەستێرە بەڕازیلیە دەدەن . 
 


PM:08:31:29/03/2020


ئه‌م بابه‌ته 19992 جار خوێنراوه‌ته‌وه‌‌