لە زاری گالاردۆوە راستی پەیوەندیكردنی بە بەرشەلۆنەوە ئاشكرا دەبێت
وێستگە سپۆرت-
مارسیلۆ گالاردۆی ئەرجەنتینی وراهێنەری یانەی ریڤەرپلەیت هەموو ئەو دەنگۆیانە رەتدەكاتەوە كە باس لە نزیكبونەوەی دەكەن لە راهێنەرایەتی بەرشەلۆنە .
ماوەیەكە بەشێك لە رۆژنامەكانی ئەوروپا ناوی گالاردۆ دەبەستنەوە بە یانەی بەرشەلۆنەوە بۆ شوێنەكەی ڤالڤێردی.
لەو بارەیەوەو لە لێدوانێكیدا بۆ پێگەی ریكۆردی مەكسیكی گالاردۆ دەڵێت: هەموو ئەو هەواڵانەی باس لە نزیكبونەوەی من دەكەن لە راهێنەرایەتی بەرشەلۆنە دوورن لە راستییەوە و بۆ زانیاریشتان تیپەكەم لە قۆناغێكی هەستیاردایە .
لە كۆتایشدا گالاردۆ وتی: بە هیچ شێوەیەك گوێ بەو دەنگۆیانە نادەم و لە ئێستادا هیچ پەیوەندییەك لە نێوان من و بەرشەلۆنەدا نییە .
PM:12:05:09/11/2019
ئه‌م بابه‌ته 4640
جار خوێنراوه‌ته‌وه