‌ڤیدیۆ.. پورتوگال به‌ ئه‌نجامێكی‌ گه‌وره‌ سه‌ركه‌وتنی‌ تۆماركرد

وێستگە سپۆرت-

هه‌ڵبژارده‌ی‌ پرتوگال له‌ ده‌ره‌وه‌ی‌ یاریگای‌ خۆی‌ بردنه‌وه‌یه‌كی‌ گه‌وره‌ تۆماركرد و به‌ چوار گۆڵ به‌رامبه‌ر دوو گۆڵ له‌ سڕبیای‌ برده‌وه‌ .

له‌ یارییه‌كانی‌ پاڵاوتنی‌ یۆرۆی‌ 2020 و له‌ كۆمه‌ڵه‌ی‌ بی‌ پرتوگال بووه‌ میوانی‌ سڕبیا ویارییه‌كه‌ به‌ چوار گۆڵ به‌رامبه‌ر دوو گۆڵ له‌ سودی‌ پرتوگال كۆتاییهات .

گۆڵه‌كانی‌ پرتوگال كارفالیۆ وگویدیس وكریستیانۆ رۆناڵدۆ وبێرناردۆ سێلڤا تۆماریان كرد و دوو گۆڵه‌كه‌ی‌ سڕبیاش میلینیكۆڤیج ومیترۆڤیج تۆماریان كرد .

له‌ یارییه‌كی‌ تردا هه‌ڵبژارده‌ی‌ فه‌ڕه‌نسا به‌ چوار گۆڵ به‌رامبه‌ر گۆڵێك له‌ ئه‌لبانیای‌ برده‌وه‌ .به‌و بردنه‌وه‌یه‌ خاڵه‌كانی‌ پرتوگال بووه‌ پێنج خاڵ وله‌ پله‌ی‌ دووه‌می‌ گروپه‌كه‌یدایه‌ .


AM:12:08:08/09/2019


ئه‌م بابه‌ته 3296 جار خوێنراوه‌ته‌وه‌‌