لە پرێمەرلیگ، یانەی ئەرسناڵ بە ئەنجامیێکی باش توانی لە فوڵهام بباتەوە و لە ئێستادا بە شێوەیەکی کاتی لە پێشەنگی ڕیزبەندییە و جیاوازییەکەی لەگەڵ مان سیتیدا زیاتر کردوە. 

شەوی ڕابردوو لە چوارچێوەی یارییەکانی هەفتەی 35 ی پرێمەرلیگدا، یانەی ئەرسناڵ لە ناو یاریگای خۆیدا میوانداری یانەی فوڵهامی کرد. 

هە لە سەرەتای تایمی یەکەمەوە کوڕانی ئارتێتا بە بەهێزی دەستیان پێکرد و لە خولەکی 9 ی یارییەکەدا گۆڵی یەکەمیان تۆمار کردم دواتریش زۆر هەوڵی تۆمار کردنی گۆڵیان دا تاوەکو لە کۆتاییەکانی تایمی دووەمدا دوو گۆڵی دیکەیان تۆمار کرد و ئەو تایمە بە ئەنجامی 3-0 لە سوودی تۆپچییەکان کۆتایی هات. 

لە تایمی دووەمدا هەردوولا هەوڵی زۆریان دا یانەی فوڵهام بۆ کەمکردنەوەی ئەنجامەکە و ئەرسناڵ بۆ تۆمارکردنی گۆڵی زیاتر بەڵام هیچ لایەکیان سەرکەوتوو نەبوون و یارییەکە تا کۆتایی بەو ئەنجامە مایەوە و سەرەنجام یارییەکە بە ئەنجامی سێ گۆڵی بێوەڵام لە سوودی ئەرسناڵ کۆتایی هات. 

بەو بردنەوەیەش یانەی ئەرسناڵ لە ئێستادا بە شێوەیەکی کاتی لە پێشەنگی ڕیزبەندی خولەکەدایە و 6 خاڵ لە مانچستەر سیتی دووەمەوە دوورە، بەڵام یانەکەی گواردیۆلا دوو یاری کەمتری ئەنجامداوە. 

PM:01:56:03/05/2026

ئه‌م بابه‌ته 80 جار خوێنراوه‌ته‌وه‌‌