هانسی فلیکی ڕاهێنەری بارشەلۆنا پێ ڕووبەڕووبونەوەی نیوکاسڵ وتی،"ئێمەر بەرامبەر تیمێک یاری دەکەین کە خاوەن هێز و خێراییەکی زۆرن لەبەر ئەوەی ئەوان لە بەهێزترین خولی جیهان یاری دەکەن".

بڕیارە ئەمشە لە قۆناغی 16 ی چامپیۆنسلیگ و لە یاری چوونی ئەو قۆناغەدا، یانەی بارشەلۆنا لە یاریگای سان جێمس پارک ببێتە میوانی نیوکاسڵی ئینگلیزی. 

بەر لە یارییەکە هانسی فلیکی ڕاهێنەری بارشەلۆنا وتی، یانەکەمان خاوەن توانا و هێزێکی تایبەتە و دەمانەوێت ئەم تاقیکردنەوەی تێپەڕێنین و جێ دەستی خۆمان لەم یاریگایە بەجێ بهێڵین".

ڕاهێنەرەکە ئاماژەی بەوەش کرد، "ئێمە ماندووین بەڵام سەرەڕای ئەوەی ئێمە لەم هەفتەیەدا چووینە بلباو و دواتر هاتینە بەریتانیا، بە شێوەیەکی باش خۆمان ئامادە کردووە بۆ ئەوەی لەم یاریگایە بردنەوە بەدەستبهێنین و دواتر بەربەستی نیوکاسڵ تێپەڕێنین". 

فلیک لە درێژەی قسەکانیدا ئاماژەی بەوە کرد، ئێمە بەرامبەر تیپێک یاریی دەکەین کە خاوەن هێز و خێراییەکی زۆرن چونکە ئەوان لە بەهێزترین خولی دنیا یاری دەکەن، بەڵام دڵنیام یاریزانەکانم توانای ئەوەیان هەیە بردنەوە تۆمار بکەین". 

لە کۆتایی قسەکانیدا هانی فلیک باسی لێدوانەکانی چاڤی هێرناندێزی کرد و وتی، "من و چاڤی پەیوەندییەکی باشمان هەیە و نامەوێت هەندێک وردەکاری هەیە بۆ میدیاکانی باس بکەم".

AM:11:47:10/03/2026

ئه‌م بابه‌ته 88 جار خوێنراوه‌ته‌وه‌‌