یانەی بارشەلۆنا لەگەڵ جواو کانسێلۆ ڕێک کەوتووە کە تا کۆتایی ئەم وەرزە بە شێوەی خواستن گرێبەستیان لەگەڵ ئەنجام بدات.

فابریزیۆ ڕۆمانۆ لە هەژماری تایبەتی خۆی ڕایگەیاند، کە تەواو بارشەلۆنا لەگەڵ کانسێلۆ گەیشتووەتە ڕێککەوتن و یاریزانەکە ئێستا بەشێوەی خواستن یاریزانی بارشەلۆنایە. 

بارشەلۆنا لە بەرامبەر گرێبەستی یاریزانە پرتوگالییەکەدا بڕی 4 ملیۆن یۆرۆ بە یانەی هیلالی سعودی دەدات و و ماوەی خواستنەکەشی 6 مانگە و تا کۆتایی ئەم وەرزەیە. 

جواو کانسێلۆ لە ساڵی 2024  بە گرێبەستێکی 25 ملیۆنی لە یانەی مانچستەر سیتییەوە پەیوەندی بە یانەی هیلالی سعودییەوە کرد، وە ئەمە دووەمجارە کە بەشێوەی خواستن ڕوو لە یانەی بارشەلۆنا دەکات، لە پێشتردا بەشێوەی خواستن لە یانەی مانچستەر سیتیەوە پەیوەندی بە بارشەلۆناوە کرد و 42 یاری لەگەڵ یانە کەتەلۆنییەکە ئەنجامدا و لەو ژمارە یارییەدا بەژداری لە 9 گۆڵدا کرد. 
 

AM:11:27:06/01/2026

ئه‌م بابه‌ته 660 جار خوێنراوه‌ته‌وه‌‌