ڕیاڵ مەدرید پێکانی کۆرتوای ڕاگەیاند
وێستگە سپۆرت-
یانەی ڕیاڵ مەدریدی ئیسپانی پێکانی تیبۆ کۆرتوای گۆڵپارێزی سەرەکی تیپەکەی ڕاگەیاند.
یانە شاهانەییەکە لە بەیاننامەیەکی فەڕمیدا بڵاوی کردەوە، دوابەدوای ئەنجامدانی پشکنینی پزیشکی بۆ کۆرتوا دەرکەوتوو تووشی هەوکردنی گەدە و ڕیخۆڵەکانی بووە و بەو هۆیەوە ناتوانێت لە یاری داهاتوو ئامادە بێت.
ڕیاڵ مەدرید ئاشکراشی کردووە، کۆرتوا بۆ یارییەکەیان بەرانبەر ئۆڵمپیاکۆس لە شەوی چوارشەممە گەشتی ئەسینای پایتەخت ناکات و چاودێری چاکبوونەوەی دەکرێت.
بەو هۆیەوە لۆنین وەک گۆڵپارێزی سەرەکی بەشداری یارییەکە دەکات و تاکو ئێستاش دیار نییە کەی کۆرتوا بۆ پێگەی یاریکردنی دەگەڕێتەوە.
PM:06:09:25/11/2025
ئه‌م بابه‌ته 104
جار خوێنراوه‌ته‌وه