ڕیاڵ بێتیس لە گواستنەوەی ئانتۆنی نزیک دەبێتەوە
وێستگە سپۆرت-
یانەی ڕیاڵ بێتیسی ئیسپانی لە گواستنەوەی ئانتۆنی بەڕازیلی و هێرشبەری مانچستەر یونایتد نزیک دەبێتەوە.
ڕۆژنامەی زە تێلێگرافی بەڕیتانی ئاشکرای کردووە، یانەی ڕیاڵ بێتیس بۆ گواستنەوەی ئانتۆنی لەگەڵ مانچستەر یونایتد گەیشتە ڕیککەوتن بۆ ئەوەی لە ماوەی گواستنەوەی ئەم هاوینەدا ئەو یاریزانە بۆ ڕیزەکانی بگوازێتەوە.
سەرچاوەکە باس لەوە دەکات، یاریزانە بەڕازیلییەکە بەشێوەی خواستن پەیوەندی بە یانە ئیسپانییەکەوە دەکات و هاوینی 2026یش مافی کڕینەوەی دەبێت.
ڕۆژنامەکە ئەوەش دەخاتە ڕوو، شەیتانە سوورەکان بە گرێبەستەکەی بێتیس ڕازی بوون و خودی یاریزانەکەش لەگەڵ بێتیس لەسەر سەرجەم مەرجە تاکە کەسییەکان گەیشتووەتە ڕێککەوتن.
شایەنی باسە، ئانتۆنی نیوەی دووەمی وەرزی ڕابردوو بەشێوەی خواستن لەگەڵ یانەی ڕیاڵ بیتیس یاریی کرد، توانی ئاستێکی بەرز پیشان بدات و ئەمەش وایکرد یانە ئەندەلوسییەکە هەنگاو بنێت بۆ گواستنەوەی.
هێرشبەرە 25 ساڵانەکە بە درێسی ڕیاڵ بێتیسەوە له سه رجەم پاڵەوانێتییەکان 26 یاریی ئەنجام داوە، توانیویەتی 9 گۆڵ و 5 ئەسیست تۆمار بکات.
PM:08:18:26/08/2025
ئه‌م بابه‌ته 324
جار خوێنراوه‌ته‌وه