بایرن میونشن گەیشتە قۆناغى ١٦
.jpg)
وێستگە سپۆرت-
یانەى بایرن میونشن لە بۆکا جۆنیۆرزی بردەوە و گەیشتە قۆناغی 16.
لە درێژەی یارییەکانی قۆناغی کۆمەڵەکانی جامی جیهانی یانەکان و لە کۆمەڵەی سێیەمدا، یانەی بایرن میونشنی ئەڵمانی بەرامبەر یانەی بۆکا جۆنیۆرزی ئەرجەنتینی یارییکرد.
لە خولەکی 18ی تایمی یەکەمدا، هاری کەین گۆڵێکی بۆ بایرن میونشن تۆمارکرد و ئەو تایمە بەو تاکە گۆڵە کۆتاییهات.
لە تایمی دووەمدا و لە خولەکی 66 میگێل مێرنتێل ئەنجامەکەی بۆ بۆکاجۆنیۆرز یەکسانکردەوە، دواتر لە خولەکی 84 مایکل ئۆلیسێ گۆڵێکی تری بۆ بایرن تۆمارکرد.
سەرەنجام یانە ئەڵمانییەکە یارییەکەی بە ئەنجامی دوو گۆڵ بەرامبەر گۆڵێک بردەوە و بە کۆکردنەوەی شەش خاڵ لە پێشەنگی ریزبەندی کۆمەڵەکەیدا و گەیشتە قۆناغی 16، بۆکاش یەک خاڵی هەیە و لە پلەی سێیەمدایە.
AM:10:03:21/06/2025
ئه‌م بابه‌ته 360
جار خوێنراوه‌ته‌وه