لەسەیدسادق، پشكنینی جۆری كوالێتی بۆ وێستگەكانی بەنزین و گاز كرا
وێستگەنیوز- كامەران كەریم
پشكنینی كوالێتی بۆ وێستگەكانی سوتەمەنی سنوری قەزای سەیدسادق كرا و دەركەوت سەرجەمیان باشن و گونجاون بۆ بەكارهێنانی ئۆتۆمبێل.
تەها ئەحمەد، لێپرسراوی ڕاگەیاندنی قایمقامیەتی قەزای سەیدسادق بەوێستگەنیوزی راگەیاند، بەفەرمانی دیاری رەفیق، قایمقامی سەیدسادق، لیژنە هاوبەشەكانی قائیمقامێتی قەزای سەیدسادق و نوێنەری بەڕێوەبەرایەتی نەوت و كانزاكانی سلێمانی، سەردانی سەرجەم وێستگەكانی سوتەمەنی (بەنزین و گاز) لە سنوری سیدسادق كرد و پشكنینی كوالێتی و جۆریان بۆ ئەو سوتەمەنیانە كرد كە لە وێستگەكانیان دەیفرۆشن.
ناوبراو روونیكردەوە، پاش وەرگرتنی نمونە لێیان بەمەبەستی پشكنین، لەئەنجامدا سەرجەمیان لە جۆری باشن و گونجاون بۆ بەكارهێنانی ئۆتۆمبیل.
PM:11:05:24/02/2021
ئه‌م بابه‌ته 1936
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت