کارەبای نیشتیمانی لەکەرکوک بەڕێژەیەکی بەرچاو کەمدەبێتەوە
کەرکوک
وێستگەنیوز-
بەهۆکاری لەکارکەوتنی دوو وێستگەی بەرهەمهێنان و کردنەئامانجی تۆڕەکانی دابەشکردنی کارەبا، ماوەی چەند رۆژێکە کارەبای نیشتیمانی لەپارێزگای کەرکوک بەشێوەیەکی بەرچاو کەمیکردوە و لەماوەی 24 کاتژمێری رابردودا کەمتر 5 (پێنج) کاتژمێر کارەبا بەهاوڵاتیان دراوە.
پەیامنێری وێستگەنیوز لەکەرکوک رایگەیاند، ماوەی چەند رۆژێکە پێدانی کارەبای نیشتیمانی لەپارێزگای کەرکوک بەشێوەیەکی بەرچاو کەمبووەتەوە و بەپرسانی کارەباش هۆکارەکەی بۆ لەکارکەوتنی دوو وێستگە لەکۆی سێ وێستگەی بەرهەمهێنانی کارەبا دەگەڕێنەوە.
بەوتەی بەرپرسانی کارەبا لەئێستادا تەنها وێستگەی مەلا عەبدوڵا تایبەت بەبەرهەمهێنانی کارەبا کاردەکات و ئەوەش ناتوانێت پێداوێستی تەواوی پارێزگاکە لەکارەبای نیشتیمانی پڕبکاتەوە.
یەکێکی دیکە لەگرفتەکانی کارەبا لەکەرکوک کردنەئامانجی تۆڕەکانی دابەشکردنی کارەبایە لەلایەن گروپی چەکداریی نەناسراوەوە و بەوهۆیەش گەیشتنی کارەبا بەقەزا و ناحییەکان و گواستنەوەی ئەو وزەیە بۆ ناوەندی کۆنتڕۆڵی کارەبای پارێزگاکەی ئاستەنگی بۆ دروستبوە.
AM:09:43:27/01/2021
ئهم بابهته 1676
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت