ئەڵمانیا.. لە 24 کاتژمێردا 903 توشبووی کۆرۆنا گیانیان لەدەستداوە
توشبوویەکی کۆرۆنا لەکاتی گواستنەوەیدا بۆ نەخۆشخانە- ئەڵمانیا
وێستگەنیوز-
ئەمڕۆ سێشەممە ژمارەی توشبووان و مردن بەکۆرۆنا لەئەڵمانیا بەرزبووەوە و لە 24 کاتژمێری رابردودا 903 توشبووی کۆرۆنا گیانیان لەدەستداوە.
وەزارەتی تەندروستی ئەڵمانیا بڵاویکردەوە، کۆی ئەو کەسانەی بەهۆی ڤایرۆسی کۆرۆنا گیانیان لەدەستداوە بۆ 52 هەزار و 990 کەس بەرزبووەتەوە، دوای ئەوەی لە 24 کاتژمێری رابردودا 903 توشبووی کۆرۆنا گیانیان لەدەستداوە.
بەمەبەستی رێگریکردن لەزیاتر تەشەنەسەندنی بڵاوبوونەوەی کۆرۆناش، لە 16ی مانگی رابردوەوە رێکاری توندی خۆپارێزی لەو وڵاتە و بەتایبەت لە شوێنە گشتییەکان گیراوەتەبەر.
لەکۆبوونەوەی هەفتەی رابردووی حکومەتی ئەڵمانیادا کەبەسەرۆکایەتی ئەنگێلا مێرکل، راوێژکاری ئەو وڵاتە بەڕێوەچوو بڕیاردرا داخستنی خوێندنگاکان، چێشتخانە و سەرجەم چالاکییە بازرگانییەکان تا 14ی شوبات درێژبکرێتەوە.
AM:11:14:26/01/2021
ئه‌م بابه‌ته 1292
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت