بەڕێوەبەری كه‌شناسی سلێمانی: بەفربارین دەستپێدەکات و پلەکانی گەرماش نزم دەبنەوە

‌فۆتۆ: ئەرشیڤ

وێستگه‌ نیوز ـ هه‌ستیار

به‌ڕێوه‌به‌ری فه‌رمانگه‌ی كه‌شناسی سلێمانی رایده‌گه‌یه‌نێت، له‌ ماوه‌ی 24 كاتژمێری رابردوودا له‌ سلێمانی سێ ملیمه‌تر باران باریوه‌ و ئه‌گه‌ری به‌فربارینیش له‌ سه‌نته‌ری شار ده‌كرێت له‌ دوو رۆژی داهاتوودا.


ئاسۆ كه‌مال، به‌ڕێوه‌به‌ری فه‌رمانگه‌ی كه‌شناسی و بوومه‌له‌رزه‌زانی سلێمانی به‌ وێستگه‌ نیوزی راگه‌یاند: ئه‌و كه‌شه‌ نا سه‌قامگیره‌ی رووی له‌ناوچه‌كه‌ كردووه‌ به‌رده‌وامی ده‌بێت و باران به‌شێوه‌ی پچڕ پچڕ ده‌بارێت و تا كۆتایی هه‌فته‌ درێژه‌ ده‌كێشێت.

وتیشی: "له‌ سبه‌ینێ و دوو سبه‌ی، پێشبینی ده‌كه‌ین كه‌شه‌كه‌ روو له‌ ساردی زیاتر بكات و پله‌كانی گه‌رما زۆر نزم ببنه‌وه‌، هه‌روه‌ها باران و به‌فریش ده‌ستپێده‌كه‌ن به‌جۆرێك ئه‌گه‌ری هه‌یه‌ له‌ ناو سه‌نته‌ری شاری سلێمانیش به‌فر ببارێت".

ئه‌وه‌شی زیاد كرد، له‌ ماوه‌ی 24 كاتژمێری رابردوودا له‌ سلێمانی سێ ملیمه‌تر بارانباریوه‌.


AM:09:32:18/01/2021


ئه‌م بابه‌ته 27940 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت