دوو قائیمقام لەپارێزگای دهۆک خانەنشین دەکرێن
زاخۆ
وێستگەنیوز-
بەهۆی تەواوبوونی ماوەی یاساییان و گەیشتنە تەمەنی خانەنشینبوون، ئەمڕۆ پێنجشەممە هەردوو قائیمقامی قەزاکانی زاخۆ و سێمێل لەسنوری پارێزگای دهۆک خانەنشین کران.
دلشێر عه‌بدولستار، بەڕێوەبەری ناحیەی باتیفا بەوێستگەنیوزی راگەیاند، ئەمڕۆ پێنجشەممە بڕیاری خانەنشینکردنی بۆتان مه‌حسن قائیمقامی زاخۆ دەرچووە و بەهۆی تەواوبوونی ماوەی یاسای و گەیشتنە تەمەنی خانەنشینی لەئەرکەی بەخشراوە و "من وەک قائیمقامی زاخۆ بەوەکالەت دەستنیشانکراوم".
لەلایەکی دیکەشەوە ئەمڕۆ بڕیاری خانەنشینکردنی حسێن چه‌لكى قائیمقامی سێمێل دەرچووە و بەهۆی تەواوبوونی ماوەی یاسایی و گەیشتنە تەمەنی خانەنشینی لەئەرکەی بەخشراوە، هەروەها بەڕێوەبەری ناحیەی باتیلێ بەوەکالەت ئەو پۆستە بەڕێوەدەبات.
بەگوێرەی ناوەڕۆکی بڕیارەکەش هەردوو پۆستی قائیمقامی قەزاکانی زاخۆ و سێمێل تادیاریکردنی کەسانی نوێ لەلایەن ئەنجومەنی پارێزگای دهۆک، بەشێوەی وەکالەت بەڕێوەدەبردرێن.
PM:08:59:14/01/2021
ئه‌م بابه‌ته 1128
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت