ته‌ندروستی‌ هەرێم: 14 كه‌س به ‌كۆرۆنا گیانیان له‌ده‌ستداوه

‌فۆتۆ: ئەرشیڤ

ویستگە نیوز ـ
وه‌زاره‌تی‌ ته‌ندروستی‌ حكومه‌تی‌ هه‌رێمی‌ كوردستان رایگه‌یاند، له‌ماوه‌ی‌ 24 كاتژمێری‌ رابردوودا 14 كه‌س به‌هۆی‌ ڤایرۆسی‌ كۆرۆناوه‌ گیانیان له‌ده‌ستداوه‌ و 415 تووشبووی‌ نوێ‌ ده‌ستنیشانكراوه‌.


ئه‌مڕۆ دووشەممه ‌30ی تشرینی‌ دووه‌می‌ 2020، وه‌زاره‌تی‌ ته‌ندروستی‌ حكومه‌تی‌ هه‌رێمی‌ كوردستان ئاماری‌ 24 كاتژمێری‌ رابردووی‌ تایبه‌ت به‌ كۆرۆنا بڵاوكرده‌وه‌ و به‌پێی‌ ئاماره‌كه‌، له‌ماوه‌ی‌ 24 كاتژمێری‌ رابردوودا 14 كه‌س به‌هۆی‌ ڤایرۆسی‌ كۆرۆناوه‌ گیانیان له‌ده‌ستداوه‌ و به‌وه‌ش كۆی‌ گشتی‌ گیان له‌ده‌ستدان گه‌یشته ‌سێ هه‌زار و 146 كه‌س.

هه‌ر به‌پێی‌ ئاماره‌، 415 تووشبووی‌ نوێ‌ تۆماركراوه‌ و كۆی‌ گشتی‌ توشبووانیش گه‌یشته ‌96 هه‌زار و616 كه‌س.

وه‌زاره‌تی‌ ته‌ندروستی‌ حكومه‌ت هه‌رێمی‌ كوردستان له‌باره‌ی‌ ژماره‌ی‌ چاكبوانیش ئاماژه‌ی‌ به‌وه‌كردووه‌، 198 كه‌س ڤایرۆسه‌كه‌یان تێپه‌ڕاندووه‌ و چاكبوونه‌ته‌وه‌ و به‌وه‌ش كۆی‌ گشتی‌ چاكبوونه‌وه‌ گه‌یشته‌  60 هه‌زار و 363 كه‌س.




PM:02:36:30/11/2020


ئه‌م بابه‌ته 932 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت