كازمی: گۆچانی سیحریمان پێ نییه‌ هه‌موو داواكارییه‌كان جێبه‌جێ بكه‌ین

‌مسته‌فا كازمی، سه‌رۆك وه‌زیرانی عیراق

وێستگه‌ نیوز ـ
سه‌رۆك وه‌زیرانی عیراق چه‌ند لایه‌نێك به‌ نانه‌وه‌ی پشێوی له‌ ناسریه‌ تۆمه‌تبار ده‌كات و رایدەگەیەنێت، حكومه‌ت گۆچانی سیحری نییه‌ بتوانێت هه‌موو داواكارییه‌كان جێبه‌جێ بكات.


مسته‌فا كازمی، سه‌رۆك وه‌زیرانی عیراق بێ ئه‌وه‌ی ناوی هیچ لایه‌نێك بهێنێت رایگەیاند، چه‌ند لایه‌نێك تۆمه‌تبارن به‌ دروستكردنی به‌ر به‌ره‌كانی له‌ سه‌نته‌ری پارێزگای ناسرییه‌.

كازمی لەگەڵ تیمی قه‌یرانی كه‌ سه‌ردانی پارێزگاكه‌یان كردووه كۆبووەتەوە و‌ راگه‌یاندووه‌، پێویسته‌ خۆپێشانده‌ران ئارام ببنه‌وه‌و حكومه‌ته‌كه‌ی گۆچانی سیحری نییه‌، تاوه‌كو سه‌رجه‌م داواكارییه‌كان جێبه‌جێ بكات، به‌ڵام چانسی سه‌ركه‌وتنی هه‌یه‌ له‌ گێڕانه‌وه‌ی ئاسایش و ئارامی بۆ شاره‌كه‌.

یه‌كێتی ئه‌وروپاش له‌ راگەیەندراوێكدا نیگه‌رانی خۆی له‌ نواندنی توندوتیژییه‌كان دژی خۆپێشانده‌ران ده‌ربڕیوه‌، و رایگەیاندووە، ئه‌م ره‌فتارانه‌ ده‌مانگێڕنه‌وه‌ ساڵی رابردوو كاتێك گرووپه‌ چه‌كداره‌كان هه‌وڵی بێده‌نگكردنی رای شه‌قامی عێراقیان ده‌دا.

راشیگەیاند، پرۆسه‌ی سیاسی له‌ عیراق گرێدراوی پارتێكی دیاریكراوی سیاسی نییه‌، عیراق له‌ ئاماده‌كاریدایه‌ بۆ ئه‌نجامدانی هه‌ڵبژاردنی داهاتوو.


AM:09:34:30/11/2020


ئه‌م بابه‌ته 464 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت