رێزان شێخ دلێر نامه‌یه‌ك ئاراسته‌ی‌ سه‌رۆك وه‌زیران و سه‌رۆكی‌ ئه‌نجوومه‌نی‌ نوێنه‌رانی‌ عێراق كرد


وێستگه‌ نیوز- 
رێزان شێــخ دلێر ئه‌ندامی‌ ئه‌نجوومه‌نی‌ نوێنه‌رانی عێراق له‌ فراكسیۆنی‌ یه‌كێتی‌ نیشتمانی‌ كوردستان، ئه‌مرۆ چوارشه‌مه‌ 25ی‌ تشرینی‌ دووه‌می‌ 2020، نامه‌یه‌كی‌ ئاڕاسته‌ی‌ سه‌رۆك وه‌زیران مسته‌فا كازمی‌ و محه‌مه‌د حه‌لبووسی‌، سه‌رۆكی‌ ئه‌نجوومه‌نی‌ نوێنه‌ران كرد، سه‌باره‌ت به‌زیادبوونی‌ حاڵه‌ته‌كانی‌ توندوتیژی‌ خێزانی‌ .

له‌ نامه‌كه‌دا رێزان شێــخ دلێر ڕایگه‌یاندووه‌، به‌هۆی‌ كه‌ره‌نتین  مانه‌وه‌ له‌ماڵه‌وه‌ بۆ خۆپارێزی‌ له‌ ڤایرۆسی‌ كۆرۆنا حاڵه‌ته‌كانی توندوتیژی‌ خێزانی‌ ڕووی له‌زیادبوون كردوه‌.

ئاماژه‌ی‌ به‌وه‌شكردووه‌ " به‌پێی‌ ئاماره‌كانی‌ وه‌زاره‌تی‌ ناوخۆ له‌ماوه‌ی‌ ئه‌مساڵدا 5هه‌زار حاڵه‌تی‌ توندوتیژی‌  خێزانی‌ تۆماركراوه‌ كه‌ زیاتر له‌3 هه‌زار و شه‌سه‌د حاڵه‌تیان ڕووبه‌روی‌ ژنان بووه‌".
 
رێزان شێخ دلێر له‌ نامه‌یه‌كه‌دا، داوا ده‌كات په‌له‌بكه‌ن له‌ په‌سه‌ند كردنی‌ یاسایی به‌ڕه‌نگاربوونه‌وه‌ی‌ توندوتیژی‌ خێزانی‌ و هه‌روه‌ها داواشی له‌سه‌رۆك وه‌زیران كردووه‌  گرنگی زیاتر بدات به‌دۆسیه‌كانی‌ ژنان و پاڵپشتی‌ نوێنه‌رایه‌تی‌ ژنان بكات له‌سه‌رجه‌م كایه‌كانی‌ ده‌سه‌ڵات ودامه‌زراوه‌ باڵاكانی‌ وڵات.


PM:04:08:25/11/2020


ئه‌م بابه‌ته 1296 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت