بەھۆی تۆپبارانی سوپای تورکیا دوو گوند بێ کارەبا بوون
وێستگە نیوز ـ
تۆپخانەکانی سوپای تورکیا لە شەوی رابردوو تا بەرەبەیانی ئەمڕۆ دوو گوندی سنوری قەزای زاخۆی سەر بە پارێزگای دھۆکیان تۆپبارانکردووە و دوو گوند بێ کارەبا بوون.
دڵشێر عەبدولستار، بەڕێوەبەری ناحیەی باتیفا تایبەت بە وێستگە نیوزی راگەیاند: "له درەنگانێکی شەوی رابردوو تا بەرەبەیانی ئەمڕۆ تۆبخانەکانی سوپای تورکیا ھەر دوو گوندی بانکی سەر و خۆروویان لە سنوری ناحیەی باتیفا تۆپبارانکراون".
وتیشی: "سوپای تورکیا 32 تۆپی بە ھەر دوو گوندەکە ناوە و بەوھۆیەوە کارەبای گشتی ھەر دوو گوندەکە پچڕاوە و زیانی مادیش بە دەرگا و پەنجەرەی ھاوڵاتیان گەیاندووە".
ئاماژە بەوەشکرد: "ئێستا تیمەکانی چاککردنەوەی کارەبا کار لە سەر دروستکردنی ئەو ھێڵەی كاره‌با دەکەن کە شەوی رابردوو بەھۆی تۆپبارانەكه‌وە پچرابوو".
PM:02:58:22/11/2020
ئه‌م بابه‌ته 2012
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت