هاتووچۆی هەولێر هاوڵاتیان ئاگادار دەکاتەوە
وێستگەنیوز-
بەڕێوەبەرایەتی هاتووچۆی هەولێر رایگەیاند، دوای داخرانی بۆ ماوەی 18 رۆژ بەمەبەستی چاکردنەوەی لەسبەی دووشەممەوە رێگای بەحرکە بۆ هاتووچۆ کردن دەکرێتەوە و هاوڵاتیان بۆ سەردانیکردنی بەرێوەبەرایەتی هاتوچۆی هەولێر دەتوانن ئەو رێگایە بەکاربهێنن.
بەڕێوەبەرایەتی هاتووچۆی هەولێر لە راگەیەنراوێکدا کە وێنەیەکی بۆ وێستگەنیوز نێردراوە باس لەوەکراوە، سەرجەم هاولاتیان و شوفێران و سەردانیکەرانی بەرێوەبەرایەتی هاتووچۆی هەولێر ئاگاداردەکەنەوە کەوا لەرۆژی دووشەممە 2020/11/23 رێگای بەحرکە بۆ هاتووچۆکردن دەکرێتەوە.
ئەوەش هاتوە، بۆیە پێویست ناکات بۆهاتن بۆ هاتووچۆی هەولێر و شارەکانی نیشتەجێبونی گەنجان، کۆریەکان و مامۆستایان بچنەوە رێگای شەقڵاوە.
4ـی ئەم مانگە بەڕێوەبەرایەتی هاتوچۆ هەولێر رایگەیاند، بەمەبەستی تەواوکردنی شەقامی بەحرکە و هەروەها بەستنەوەی بەشەقامی 150مەترییەوە، هاوڵاتیان و شۆفێران ئاگادار دەکەنەوە کە لە رۆژی هەینییەوە رێگای هەولێر- بەحرکە بۆ بەرێوەبەرایەتی هاتووچۆ دادەخرێت.
AM:11:17:22/11/2020
ئه‌م بابه‌ته 316
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت