رۆژئاوای کوردستان قەدەغەی سەرانسەری راگەیاند
ژمارەی توشبووانی کۆرۆنا لە باکور و رۆژهەڵاتی سوریا بەرزدەبێتەوە
وێستگەنیوز-
شانەی قەیرانەکان لە باکور و رۆژهەڵاتی سوریا رایگەیاند، بڕیاردراوە لە رۆژی 25ـی ئەم مانگەوە تاوەکو 5ـی کانونی یەکەم قەدەغەی سەرانسەری لەناوچەکانی حەسەکە، قامشلۆ، تەبقە و پارێزگای رەققە جێبەجێبکرێت.
شانەی قەیرانەکان لە باکور و رۆژهەڵاتی سوریا لە راگەیەنراوێکدا کە وێنەیەکی دەست وێستگەنیوز کەتوە باس لەوەکراوە، ئەنجومەنی جێبەجێکردنی ئیدارەی باکور و رۆژهەڵاتی سوریا بڕیاریدا بە سەپاندنی قەدەغەی گشتی هاتوچۆ لەناوچەکانی حەسەکە، قامشلۆ، تەبقە و پارێزگای رەققە بۆ ماوەی 10 رۆژ کە لە 25ـی ئەم مانگەوە دەستپێدەکات.
لەبڕیارەکەدا هاتوە، لەو ماوەیەدا خوێندنگاکان، زانکۆکان، هاتن و چوونی هاوڵاتیان جگە لە جوڵەی بازرگانی و دەوامی سەرجەم فەرمانگەکان رادەگیرێت و گرنگی زیاتر بە هۆشیار هاوڵاتیان بەرامبەر بڵاوبونەوەی ڤایرۆسی کۆرۆنا دەدرێت، بڕیارەکەش نەخۆشخانە و فەرمانگە خزمەتگوزارییەکان ناگرێتەوە.
بەپێی ئامارەکانی دەسەڵاتی تەندروستی خۆبەڕێوەبەریی باکور و رۆژهەڵاتی سوریا، تا ئێستا 6 هەزار و 591 توشبوی کۆرۆنا تۆمارکراون و 957 کەسیش چاکبونەتەوە و 178 کەسیش گیانیان لەدەستداوە.
PM:09:37:21/11/2020
ئه‌م بابه‌ته 1432
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت