مەسرور بارزانی بەشداری كۆنفرانسی (ئابوری هەرێم دوای كۆرۆنا) دەكات
وێستگە نیوز-
مەسرور بارزانی، سەرۆكی حكومەتی هەرێمی كوردستان بەشداری كۆنفرانسی (ئابووری هەرێمی كوردستان دوای كۆرۆنا) دەكات كە لەلایەن ژوورە بازرگانی و پیشەسازییەكانی ئەمەریكاوە رێكدەخرێت.
بەپێی راگەیەندراوێكی یەكێتی ژوورە بازرگانی و پیشەسازییەكانی ئەمەریكا، كۆنفرانسەكە لە ڕۆژانی 23 و 24ی ئەم مانگە بە شێوەی ئۆنڵاین بە بەشداری بەرپرسانی باڵای ئەمەریكا و هەرێمی كوردستان و ئەو كۆمپانیا ئەمەریكیانەی لە هەرێمی كوردستان وەبەرهێنان دەكەن سازدەكرێت.
لە كۆنفرانسەكەدا تاوتوێی چۆنیەتی پەرەپێدانی گەشەی ئابووری، هەلی وەبەرهێنان لە هەرێمی كوردستان، گرنگی پێدان بە ئاسایشی خۆراك، ئایندەی پەیوەندییەكانی ئەمەریكا و عێراق لە بواری وزە دەكرێت.
بەپێی راگەیاندراوێكی نوێنەرایەتی حكومەتی هەرێمی كوردستان لە واشنتۆن، مەسرور بارزانی، سەرۆكی حكومەتی هەرێمی كوردستان هاوڕێ لەگەڵ بەرپرسانی باڵای ئەمەریكا، تێبینی و خواستی بەشداربووان تۆمار دەكات و بەشداری لەگفتوگۆكاندا دەكات.
PM:02:40:21/11/2020
ئه‌م بابه‌ته 2564
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت