تره‌مپ: پێویستە بەپەلە هێرشی ئیسلامییە توندڕەوەكان رابگیرێت

‌دۆناڵد ترەمپ

وێستگه‌ نیوز ـ
سەرۆکی ئەمریکا پشتیوانی وڵاتەکەی بۆ فەڕەنسا نیشاندا و رایگەیاند، "پێویستە بەپەلە هێرشی ئەو ئیسلامییە توندڕەوانە رابگیرێت".


دۆناڵد ترەمپ، سەرۆکی ئەمریکا لە تویتەر بڵاویکردەوە، دڵیان لەگەڵ خەڵکی فەڕەنسایە و ئەمریکا لەم شەڕەدا لەگەڵ کۆنترین هاوپەیمانی خۆی دەبێت.

ئەوەشی خستووەتەڕوو، نە فەڕەنسا و نە هیچ وڵاتێکی دیکە ناتوانێت بۆ ماوەیەکی زۆر لەم دۆخەدا بمێنێتەوە.

رۆژی پێنجشەممە، گەنجێکی موسوڵمان لە شاری نیس لە فەڕەنسا، بە چەقۆ هێرشیکردە سەر کەنیسەیەک و دوو کەسی کوشت و ژنێکیشی سەربڕی.

بەپێی میدیاکانی فەڕەنساش، ئەو کەسەی هێرشەکەی ئەنجامدا، کۆچبەرێکی تونسی تەمەن 21 ساڵە و ناوی ئیبراهیم عوساویە، چەند هەفتەیەکە لە ئیتاڵیاوە گەیشتووەتە وڵاتەکەیان و لە دوای هێرشەکەش دەستگیرکراوە. 


AM:09:56:30/10/2020


ئه‌م بابه‌ته 724 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت