بەڤیدیۆ.. دوو رۆژە ئاگرێک لەسنوری ئامێدی کەوتوەتەوە و کۆنتڕۆڵنەکراوە
دیمەنێک لە ئاگرەکەی ئامێدی
وێستگەنیوز-
بەھۆی بۆردومانی فڕۆکە جەنگیەکانی تورکیا لە بناری چیای مەتین سەر بە قەزای ئامێدی، دوو رۆژە ئاگر بە ئاقاری گوندەواری دەڤەری نھێل کەوتووە و کونترۆڵنەکراوە.
پەیامنێری وێستگەنیوز لە دهۆک رایگەیاند، شەوی رابردوو فڕۆکە جەنگیەکانی سوپای تورکیا بە بیانووی ھەبوونی بارەگاکانی پەکەکە، ئاقاری گوندی سەرگەلێ و سگێرێ سەر بە دەڤەری نھێل لە بناری چیای مەتین بۆردومانکرد.
ئاماژەی بەوەشکردوە، بەھۆی بۆردومانی فڕۆکە جەنگیەکانی تورکیاوە لە شەوی رابردوو تا ئێستا ئاگربە ئاقاری ئەو دوو گوندە کەوتووە و تا ئێستا کونترۆڵنەکراوە، بە سەدان داربەرو و دەیان دۆنم پۆش و پاوان و رەزو باخی ھاوڵاتی ئەو ناوچەیە سوتاون.
ھاوکات نیوەڕووی ئەمڕۆ چیای گابنێرک لە دەڤەری بەرواری باڵا سەر بە ناحیەی کانی ماسێ لە باکووری قەزای ئامێدی لەلایەن فڕۆکە جەنگیەکانی سوپای تورکیاوە بۆردومانکرا و بەوھۆیەوە ئاگر لەو شوێنەوە کەوتەوە و ترس و دڵەڕاوکێش لەلای ھاوڵاتیان دروستکرد.
PM:10:49:22/10/2020
ئهم بابهته 1440
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت