ئەمڕۆ و سبەینێ هەینی مووچەی چەند وەزارەتێک دابەشدەکرێت
وێستگه نیوز ـ
بهپێی خشتهی دابهشكردنی مووچه كهله لایهن وهزارهتی دارایی و ئابووری حكومهتی ههرێمی كوردستانهوه بڵاوكرایهوه، ئهمڕۆ مووچهی مانگی ئهیلولی وهزارهتی تهندروستی دابهش دهكرێت.
هاوکات، سبەینێ هەینیش، مووچەی دیوان و لیواکانی پێشمەرگە، یەکەکانی 70 و 80، وەزارەتی ناوخۆ، فەرماندەیی پێشمەرگەی زێرەڤانی و بەرگری و فریاکەوتن، لیوای نەوت و وەزارەتی دارایی بە لێبڕینی 18٪ـەوە دابەشدەکرێت.
ماوەی دوو مانگ بەسەر دابەشکردنی دوایین مووچەدا تێپەڕیوە، کە مووچەی مانگی سێ بوو و لەئێستاشدا حکومەت مووچەی مانگی نۆ دابەشدەکات، بەبێ ئەوەی چارەنوسی مووچەی پێنج مانگی پێشوو ئاشکرا بکات.
دووشەممەی رابردوو، وەزارەتی دارایی ھەرێم رایگەیاند، بڕیاردراوە مووچەی پێنج مانگی دیکەی ئەمساڵ پاشەکەوت بکرێت و ئەو مووچەیەی بڕیارە دابەشبکرێت مووچەی مانگی نۆیە.
AM:08:24:15/10/2020
ئهم بابهته 12264
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت