توركیا گرته‌ی ڤیدیۆیی به‌ ئامانجكردنی ژماره‌یه‌ك گه‌ریلای په‌كه‌كه‌ی بڵاوكرده‌وه‌


وێستگه‌ نیوزـ

وه‌زاره‌تی به‌رگریی توركیا رایگه‌یاند كه‌ حه‌وت گه‌ریلای په‌كه‌كه‌ی له‌ چالاكی خستووه‌ و گرته‌ی ڤیدیۆیی به‌ ئامانجكردنیانی بڵاوكرده‌وه‌.

وه‌زاره‌تی به‌رگریی توركیا له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تیی تویته‌ر ڤیدیۆكه‌ی بڵاوكردوه‌ته‌وه‌ و ئاماژه‌ی به‌وه‌داوه‌ كه‌ به‌ فڕۆكه‌یه‌كی بیفرۆكه‌وان حه‌وت گه‌ریلای پارتی كرێكارانی كوردستانی كردوه‌ته‌ ئامانج و له‌ چالاكیی خستون.

به‌پێی وه‌زاره‌تی به‌رگریی توركیا ئه‌و فڕۆكه‌ بێفڕۆكه‌وانه‌ی به‌كارهاتوه‌ له‌ جۆری به‌یره‌قدار تی بی2 بووه‌ و دوپاتیشی كردوه‌ته‌وه‌ كه‌ هه‌ڵمه‌ته‌كانی دژی په‌كه‌كه‌ به‌رده‌وام ده‌بێت.

ماوه‌ی چه‌ند مانگێكه‌، سوپای توركیا به‌ هێرشی ئاسمانی و زه‌مینی له‌شكركێشیی بۆ ناوچه‌كانی هه‌رێمی كوردستان كردوه‌ و چه‌ند ئۆپراسیۆنێكی له‌دژی گه‌ریلاكانی پارتی كرێكارانی كوردستان ئه‌نجامداوه‌.


PM:07:45:27/09/2020


ئه‌م بابه‌ته 4240 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت