فەرماندەیەکی سەربازی یەکێتی بە کۆرۆنا گیانی لەدەستدا
وێستگەنیوز-
لیوا ئەنوەر عەزیز باوە، جێگری بەڕێوەبەری گشتی ئاسایشی ڕۆژهەڵاتی پارێزگای هەولێر و یەکێک لە فەرماندە سەربازییەکانی یەکێتی ئەمشەو دوای توشبوونی بە ڤایرۆسی کۆرۆنا گیانی لەدەستدا.
مەڵبەندی کۆیەی یەکێتی نیشتیمانی کوردستان لە راگەیەنراوێکدا بڵاویکردەوە، "بەداخ و پەژارەیەکی زۆرەوە ئەمشەو پێشمەرگەی دێرین و دانەبڕا و قارەمانی گەلەکەمان لیوا ئەنوەر عەزیز باوە، جێگری بەڕێوەبەرایەتی ئاسایشی ڕۆژهەڵاتی هەولێر کۆچی دواییکرد، مام ئەنوەر لەسەنگەرەکانی بەرگری لەخاک و نیشتیمان یەکێک بوو لەفەرماندە و پێشمەرگە ئازاو بەجەرگەکان، لەبواری ئەمنیش پارێزەری هەموان بووە".
ئەوەش هاتوە، " مام ئەنوەر هەموو تەمەنی بۆ بەرگری لەخاکی کوردستان و ئارامی هاوڵاتیان تەرخان کرد و خۆشەویستی ناو خەڵک هاوڕێیەکانی بوو ، بەداخەوە ئەمشەو بەنەخۆشی کۆرۆنا کۆچی دواییکرد بەمەش کوردستان و یەکێتی نیشتیمانی کوردستان یەکێک لەفەرماندە و پیاوە هەرە ئازاکانی لەدەستدا".
مەڵبەندی کۆیەی یەکێتی باسی لەوەکردوە، بەناوی لێپرسراوی مەڵبەند و ئەندامانی ئەنجومەنی مەڵبەند و کادیرانەوە سەرەخۆشی لەخۆمان و بنەماڵە تێکۆشەرەکەی دەکەن.
هـ.هـ
PM:09:38:31/08/2020
ئه‌م بابه‌ته 27448
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت