له ساڵیادی کۆمەڵکوژی ئێزیدییەکان سەرۆک کۆماری عیراق رایگەیاند، "ئەو تاوانەی بەرامبەر بە ئێزیدییەکان لە شەنگال ئەنجامدرا تاوانێکە وەک جینۆسایدی مرۆڤایەتی هەژمار دەکرێت. "، وتیشی كه پێشمهرگه و حهشدی شهعبی و هێزه چهكدارهكانی عیراق پاڵهوانێتییان تۆمار كرد.
د.بەرهەم ساڵح، سەرۆک کۆماری عیراق لە ساڵیادی کۆمەڵکوژی ئێزیدییەکان پێشکەشی کرد، وتارێكی پێشكهشكرد و رایگهیاند "بیر و مەرامی ئەو رێکخراوە تیرۆریستییە تاوانكاری كۆمەڵكوژیی و سڕینەوەی ئێزدییەكان بووە لە بوون، بەڵام خۆڕاگری گەلەكەمان و یەكڕیزی و پێكەوەیی خەون و ئومێدی رەشی تیرۆرستانی لە گۆڕنا، كە هەرگیز ویژدانی نیشتمانی و مرۆڤایەتی ئەو تاوانە قێزەونانە لە یاد ناكات كەبەدەستی چەپەڵی داعش دەرهەق بە ئێزدییەكان كراوە، لە قێزەونیدا هەموو ئەو تاوانانەی تێپەڕاند كە مێژوو نوسیویەتییەوە هەر لە تاوانی كۆمەڵكوژی و لەناوبردن و تۆقاندن و كاولكردن كە لەسەر دەستی داگیركاران و بكوژان بە درێژایی چاخەكان كراوە".
د.بهرههم ساڵم وتیشی "مێژوو بە ستایش و پێزانینەوە پاڵەوانێتی هێزە چەكدارەكانمان لەگەڵ پێشمەرگە و حەشدی شەعبی و تەواوی گەلی عیراق تۆمار دەكات كە جەنگان و قوربانیاندا و خەباتیان كرد لە پێناو رزگاركردنی شار و گوندەكانمان، لە ناویشیاندا شەنگال كە بەمەش داستانی پاڵەوانیەتی نیشتمانیان تۆماركرد كە بووە مایەی چەسپاندنی هەستی یەكڕیزی و برایەتی، ھاوکات خەون و مەرامی تیرۆریستانی لە گۆڕ نا. "
له وتارهكهیدا، سهرۆك كۆماری عیراق داوایكرد پەلە بکرێت لە رێكخستنەوەی كارگێریی لە شەنگال و بەهێزكردنی ئاسایش و سەقامگیری و پێشكەشكردنی یارمەتی مادی و خزمەتگوزارییە بنەڕەتییەكان لە پێناو گەڕانەوەیان لە كامپی ئاوارەكانەوە بۆ ماڵ و حاڵی خۆیان كە بەم دواییانە پرۆسەی گەڕاندنەوەی ئارەزوومەندانە دەستی پێكردوە.
د.بەرهەم ساڵح، پشتیوانی و پاڵپشتی دوپاتکردەوە لە پێناو زامنكردنی كەشێكی لەبار لەبەرژەوەندی گەراندنەوەی پڕ شكۆ لە دۆخی پڕ ئارامی بۆ لێقەوماوان و ئەوانەی دەربەردبوون هەر لە ئێزدییەكان و ھەموو عیراقییەكانی دیکە، كە دۆخی جەنگ و تیرۆیستان ناچاریكردن پەنا بەرنە بەر كۆچ.
جهختیشی لەسەر گرنگی لێپێچنەوە لە تاک بە تاکی ئەو کەسانە کردەوە کە سەببکار و كەمتەرخەم بوون لە هاتنەناوەوە و داگیركاری داعش بۆ شار و گوندەكان و بۆ ئەو زیانەشی لە رووی مادی و مەعنەوییەوە بە هێزە ئەمنی و سەربازییەكان گەیشتووە كە شار و دانیشتوەكانی رووبەرڕووی داگیرکاری بوونەوە، بۆ ئەوەی ئەم جۆرە كارەساتە جارێکی دیکە دووبارە نەبێتەوە بە هەر شێوەیەك لە شێوەكان، هۆكارەكانی ئەم كارەساتانە هەرگیز رێگەی پێ نەدرێ جارێکی دیکە سەر هەڵبدەنەوە.