تەندروستی کەرکوک 113 توشبووی نوێی کۆرۆنای راگەیاند
وێستگەنیوز-
بەڕێوەبەرایەتی گشتی تەندروستی کەرکوک رایگەیاند، لە 24 کاتژمێری رابردودا 113 توشبووی نوێی کۆرۆنا لە پارێزگاکەدا تۆمارکراوە و چوار حاڵەتی مردنیش بەهۆی پەتاکە هەبوە، کۆی توشبووانیش گەیشتە هەزار و 840 کەس.
بەڕێوەبەرایەتی گشتی تەندروستی کەرکوک لە راگەیەنراوێکدا رایگەیاند، لە 24 کاتژمێری رابردودا 113 توشبووی نوێی کۆرۆنا تۆمارکراوە، 51 توشبووش چاکبوونەتەوە و چوار توشبووی دیکەش گیانیان لەدەستداوە.
ئەوەش هاتوە، له‌ئێستادا هه‌زار و 23 توشبوی ڤایرۆسی كۆرۆنا له‌ژێر چاودێری پزیشكیدان و دۆخی ته‌ندروستیان جێگیره، به‌شێوه‌یه‌كی به‌رده‌وامیش پشكنینیان بۆ ئه‌نجامده‌درێت.
تائێستا لە کەرکوک هەزار و 840 کەس توشی کۆرۆنا بوون، لەو ژمارەیەش 716 کەس چاکبوونەتەوە و 101 کەسیش بەهۆی کاریگەری پەتاکە گیانیان لەدەستداوە، توشبوانی دیکەش لە ئێستادا لە ژێرچاودێری پزیشکیدان.
PM:09:12:09/07/2020
ئه‌م بابه‌ته 1996
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت