سلێمانی.. شاندی باڵای یەکێتی و گۆڕان لە کۆبوونەوەدان
وێستگەنیوز-
کۆبوونەوەی شاندی باڵای یەکێتی نیشتیمانی کوردستان و بزوتنەوەی گۆڕان لە مەکۆی سەرەکی گۆڕان لە شاری سلێمانی دەستیپێکرد و بە وتەی رێکخەرى ژورى رۆژنامەوانى گۆڕان کۆبونەوەکە تایبەت دەبێت بە پرسی ژیان و گوزەرانی هاوڵاتیان و موچەخۆران.
کاتژمێر 11:00ی پێش نیوەڕۆی ئەمڕۆ شاندێکی باڵای یەکێتی نیشتیمانی کوردستان بەسەرۆکایەتی لاهور شێخ جەنگی هاوسەرۆک و ژمارەیەک لە ئەندامانی مەکتەبی سیاسی ئەو حزبە سەردانی مەکۆی سەرەکی گۆڕان-یان لە شاری سلێمانی کرد و لە ئێستادا لەگەڵ عومەر سەید عەلی، رێکخەری گشتی بزوتنەوەى گۆڕان و ژمارەیەک لە ئەندامانی خانەی راپەڕاندن لە کۆبوونەوەدان.
لەبارەی ئامانجی کۆبوونەوەکەش دلێر عەبدولخالق، رێکخەری ژوری رۆژنامەوانی بزوتنەوەی گۆڕان لە لێدوانێکی رۆژنامەوانیدا رایگەیاند، پرسی ژیان و گوزەرانی هاوڵاتیان و موچەخۆران، پەیوەندییەکانی هەردولا، باشترکردنی پەیوەندی سیاسی نێوان لایەنەکان، پرۆسەی چاکسازی و ئاڵنگارییەکانی بەردەم هەرێمی کوردستان و رێککەوتنی حکومەتی خوجێی پارێزگای سلێمانی بابەتی گفتوگۆى سەردانەکەی ئەمڕۆ دەبن.
AM:11:04:01/07/2020
ئهم بابهته 2488
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت