هێمن هەورامی: پەرلەمان بۆ چاودێری یاسای چاکسازی لە کۆبونەوەکانی بەردەوام دەبێت
وێستگەنیوز-
جێگری سەرۆکی پەرلەمانی کوردستان رایگەیاند، کارەکانی پەرلەمانی کوردستان لە مانگی تەمموزدا بە ئامانجی چاودێریکردنی یاسای چاکسازی، گفتوگۆکان لەگەڵ بەغدا و دۆخی دارایی هەرێمی کوردستان بەردەوام دەبن.
هێمن هەورامی، جێگری سەرۆکی پەرلەمانی کوردستان لە پەرەی فەرمی خۆی لە تویتەر نوسیویەتی، ئەمڕۆ پەرلەمانی کوردستان پێشنیازه‌بڕیاری پێشكه‌شكردنی پێشنیازه‌یاسا و پێشنیازه‌بڕیاری له‌لایه‌ن ئه‌ندامانی په‌رله‌مانه‌وه پەسەندکرد و بڕیاریدا بۆ چاودێری کارەکانی چاکسازی و تەندروستی درێژە بە کۆبونەوەکانی بدات.
ئاماژەی بەوەشکردوە، درێژکردنەوەی خولی بەهارەی پەرلەمانی کوردستان بۆ چاودێریکردن و بەدواداچوونی زیاترە بۆ ئەو پرۆسە چاکسازییەی حکومەتی هەرێمی کوردستان بڕیاریدا لە مانگی تەمموزدا دەستیپێبکات، هەروەها بۆ چاودێریکردنی گفتوگۆکانی هەولێر و بەغدا، دۆخی تەندروستی و دۆخی دارایی وڵات کۆبونەوەکانیان بەردەوام دەبن.
ئەمڕۆش عەبدولحەكیم خەسرۆ، بەرپرسی فەرمانگەی هەماهەنگی و بەدواداچوونی حكومەتی هەرێمی كوردستان رایگەیاند، هەموو ئەو بوارانەی یاسای چاکسازی دەستنیشانی كردووە، لە 7/1 ەوە كاری لەسەر دەكرێت و پڕۆسەی چاکسازی دەستپێدەکات.
PM:09:02:29/06/2020
ئه‌م بابه‌ته 924
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت