سبه‌ینێ ئێران ده‌روازه‌یه‌كی سنوری به‌ڕووی عیراقدا ده‌كاته‌وه
وێستگه نیوزـ
بڕیاره سبه‌ینێ دووشه‌ممه 22ی حوزه‌یران، دەروازەی سنووریی خوسرەوی نێوان ئێران و عیراق بكرێتەوە.
مورادعەلی تاتار، قایمقامی قەسری شیرین رایگەیاند، دەروازەی سنووری خوسرەوی لە نێوان ئێران و عێراق، كە بەھۆی كۆرۆناوە لەلایەن حكومەتی عیراقەوە داخرابوو، سبەینێ دووشه‌ممه دەكرێتەوە.
راشیگەیاند، كردنەوەی دەروازە سنوورییەكە بۆ ھاتوچۆی ھاوڵاتیان و گەشتیاران دەبێت، به‌ڵام ھاتوچۆی بارھەڵگرەكان بە مەبەستی بازرگانی لەو سنوورە ھێشتا قەدەغەیە و ئاڵۆگۆڕی بازرگانی تێیدا ئەنجام نادرێت.
دەروازەی سنووری خوسرەوی دەکەوێتە نێوان عیراق و شاری قەسری شیرین لە پارێزگای كرماشان.
PM:10:30:21/06/2020
ئه‌م بابه‌ته 1636
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت