به‌رپرسی لقی چواری پارتی: به چه‌كی كڵاشینكۆف ته‌قه له باره‌گاكه‌مان كراوه
سەعید پشدەری. فۆتۆ: ئەرشیڤ
وێستگه نیوز ـ
درەنگانی شەوی رابردوو، دەستڕِێژی گولـلە لە بارەگای لقی چواری پارتی لە سلێمانی کراو بەرپرسی لقیش رایدەگەیەنێت، بە كڵاشنكۆف تەقە كراوە و پاسەوانی بارەگای لق وەڵامی تەقەكەرەكانی داوەتەوە.
سەعید پشدەری، بەرپرسی لقی چواری پارتی لە پارێزگای سلێمانی، بە وێستگە نیوزی راگەیاند: لە ناو ئۆتۆمبێلێك لە بەرامبەر بارەگای لقی چوار تەقە رووبەڕووی بارەگای لق كراوە و فیشەك بەر بارەگای لق كەوتووە".
وتیشی: "پاسەوانی بارەگای لق وەڵامی تەقەكەرەكانی داوەتەوە بەڵام دەستبەجێ لە شوێنەكە هەڵهاتوون، بەپێی زانیارییەكانمان، لە رێگەی كڵاشینكۆفەوە تەقە لە بارەگای لقی چوار كراوە، دوای نیو کاتژمێریش لە رووداوەكە، ئەوجا هێزەكانی پۆلیس و ئاسایش گەیشتوونەتە شوێنی رووداوەكە".
تائێستا ئەمە چەندەمین جاره لەلایەن كەسانی نەناسراوەوە تەقە لە بارەگای لقی چواری پارتی دیموكراتی كوردستان لە سلێمانی دەكرێت و کەسیش دەستگیر نەکراوە، هەروەک پێشتریش لە هەولێر تەقە لە بارەگای مەڵبەندی یەکێتی لە هەولێر کراوەو تەقەکەرەکان هەڵاتوون.
PM:12:03:21/06/2020
ئه‌م بابه‌ته 2172
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت