د. هێرش سەید سەلیم، جێگری بەرێوەبەری گشتی تەندروستی سلێمانی رایگەیاند، تووشی کۆرۆنا بووە و لە ئێستادا خۆی کەرەنتینکردوە و دۆخی تەندروستیشی باشە.
د. هێرش سەید سەلیم، جێگری بەرێوەبەری گشتی تەندروستی سلێمانی لە راگەیەنراوێکدا رایگەیاند، "دۆستان و ئازیزان منیش سەرباری هەموو خۆپارێزیەك، كۆرۆنا زەفەری پێ بردم و ئێستا هەڵگری ڤایرۆسەكەم ".
ئاماژەی بەوەشکردوە، "لە ئێستادا خۆم كەرەنتین كردووە و تەندروستیم باشە، بە هیوای سەلامەتی بۆ هەموولایەك و زیاتر خۆپارێزی".
ئەمڕۆش وەزارەتی تەندروستی هەرێمی کوردستان رایگەیاند، لە 24 کاتژمێری رابردوودا 266 تووشبووی نوێی کۆرۆنا لە پارێزگاکانی هەرێم تۆمارکراوە و نۆ توشبووش گیانیان لەدەستداوە، کۆی گشتی توشبووانی پەتاکەش لە هەرێمی کوردستان گەیشتە سێ هەزار و 539 کەس.
PM:08:40:20/06/2020