سبهینێ دیاردهیهكی گهردوونی له عیراق و ههرێم روودهدات
وێستگه نیوزـ
پێشینی دهكرێت سبهینێ خۆر گیران لەعیراق و هەرێمی كوردستان رووبدات و زیاتر بەغدا و چەند شارێكی دیكەی ناوەڕاست دەگرێتەوە.
محەمەد دووری، كەشناسی دیاری عیراق رایگهیاندوه، پێشبینی دهكرێت كاتژمێر 7:27 خولهكی سبهینێ یهكشهممه 21ی حوزهیرانی 2020، خۆرگیران لە ئاسمانی عیراق روو بدات و مانگ ڕووی خۆرەكە دابپۆشێت و ماوەكەشی بەپێی ئاڕاستەی باشوور و ڕۆژهەڵات بكەوێت.
ئاماژەی بۆ ئەوەشكردووە، خۆرگیرانەكە دەگاتە كاتژمێر 8:34 بەیانی كاتێك مانگ بەشێك لەخۆر دەپۆشێت و نزیك دەبێتەوە لەناوەند و دواتر لەكاتژمێر 9:50 بەیانی خۆرگیرانەكە كۆتایی دێت .
جەختی لەوەشكردوەتەوە، خۆگیرانەكە لەزۆربەی ناوچەكان دەبینرێت، تا ئاڕاستەكان بەرەو باكور بڕۆن خۆرگیرانەكە كەمتر دەردەكەوێت و بەپێچەوانەوە بەرەو باشوور زیاتر دەردەكەوێت.
ئەو كەشناسە عیراقیە رونیكردوهتهوه كه ڕادەی خۆرگیرانەكە لەشاری بەسرە دەگاتە 57% و لەشاری موسڵ دەگاتە 35 %، لەهەولێر %36.87، سلێمانی %40.40، کەرکوک %39.29.
بهوتهی دووری لە ناوچەكانی ناوەڕاستی عیراق ڕادەی خۆرگیرانەكە دەگاتە نێوان 40 بۆ 50% لەناوچەكانی باكوریش 32% بۆ 42% دهبێت.
AM:10:16:20/06/2020
ئهم بابهته 6896
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت