بومه‌له‌رزه‌یه‌ك له‌ رۆژهه‌ڵاتی كوردستان رویدا و خه‌ڵكی هه‌رێمیش هه‌ستیان پێكرد


وێستگه‌ نیوزـ

پێشنیوه‌ڕۆی ئه‌مڕۆ چوارشه‌ممه‌، بومه‌له‌رزه‌یه‌ك له‌ ناوچه‌كانی رۆژهه‌ڵاتی كوردستان رویدا و به‌هۆی به‌هێزیی بومه‌له‌رزه‌كه‌وه‌ خه‌ڵكی هه‌رێمی كوردستانیش هه‌ستیان پێكرد.

ناوه‌ندی بومه‌له‌رزه‌زانیی تاران ئاشكرایكرد كه‌ بومه‌له‌رزه‌كه‌ له‌ پارێزگاكانی ئیلام و كرماشان و سنه‌ له‌ رۆژهه‌ڵاتی كوردستان رویداوه‌ و ناوه‌ندی بومه‌له‌رزه‌كه‌ ناوچه‌ی ساڵح ئابادی پارێزگای ئیلام بووه‌.

هاوكات دانیشتوانی هه‌ردوو پارێزگای سلێمانی و هه‌ڵه‌بجه‌ش هه‌ستیان به‌و بومه‌له‌رزه‌یه‌ كردوه‌ به‌هۆی نزیكیی سنور له‌ رۆژهه‌ڵاتی كوردستان.

به‌پێی ناوه‌ندی بومه‌له‌رزه‌زانیی تاران، گوڕی بومه‌له‌رزه‌كه‌ 5.1 پله‌ بووه‌ به‌ پێوه‌ری رێخته‌ر.


AM:11:40:03/06/2020


ئه‌م بابه‌ته 936 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت