ته‌ندروستیی هه‌رێم توشبونی 19 كه‌سی دیكه‌ی به‌ كۆرۆنا راگه‌یاند


وێستگه‌ نیوزـ

وه‌زاره‌تی ته‌ندروستیی هه‌رێمی كوردستان ده‌رئه‌نجامێكی نوێی بۆ توشبوانی ڤایرۆسی كۆرۆنا راگه‌یاند و ئاشكرایكرد كه‌ له‌ پارێزگای دهۆك 19 كه‌سی دیكه‌ توشی ڤایرۆسی كۆرۆنا بوون.

ئه‌مڕۆ چوارشه‌ممه‌ 3ی حوزه‌یرانی 2020، وه‌زاره‌تی ته‌ندروستیی هه‌رێمی كوردستان رایگه‌یاند: لە بەردەوامی پشکنینەکان و گەڕان بەدوای گومانلێکراوان و تووشبووان، نۆزدە تووشبووی ڤایرۆسی کۆڕۆنای نوێ COVID-19 لە پارێزگای دهۆك دەستنیشانکراون.

ئاشكراشیكردوه‌ كه‌ توشبوه‌كان ھەشت پیاو و ھەشت ئافرەت و سێ منداڵن و ھەموویان بەرکەوتوی توشبویه‌کی پێشوون لە بەشداربونیان لە داوەتێکی نان خواردن و دانیشتووی ناو شاری دهۆكن.

شەوی رابردوش وه‌زاره‌تی ته‌ندروستیی هه‌رێم 33 توشبوی دیکەی هەمان داوەتی نانخواردنی راگه‌یاند كه‌ له‌ پارێزگای دهۆك سازكرابوو. 

تائێستا هەرێمی کوردستان 849 کەس له‌ هه‌رێمی كورددستان توشی ڤایرۆسی كۆرۆنا بوون و له‌و ژماره‌یه‌ش 434 کەسیان چاکبوونەتەوە و 14 کەسیشیان گیانیان لەدەستداوە. 


AM:10:54:03/06/2020


ئه‌م بابه‌ته 1640 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت