لەسەر 27 ملیار دۆلارەكە، داوای بانگكردنی سێ بەرپرسی باڵای هەرێم بۆ پەرلەمان دەكرێت
پەرلەمانی كوردستان
وێستگە نیوز-
17 پەرلەمانتاری كوردستان داوا لەسەرۆكایەتی پەرلەمانی كوردستان دەكەن لەسەر 27 ملیار دۆلار قەرزی هەرێم، سەرۆك و جێگری سەرۆكی حكومەت و وەزیری دارایی بانگهێشتی پەرلەمان بكرێن.
بەپێی یاداشتێكی ئەو 17 پەرلەمانتارە كە وێنەی بۆ وێستگە نیوز نێردراوە هاتووە، پاڵپشت بە ماددەی ٦٦، بڕگەی یەكەم لە پەیڕەوی ناوخۆی پەرلەمانی كوردستان-عێراق، ئەوان ژمارەی یاسایی ئەندامانی پەرلەمان داوا دەكەن پەرلەمانی كوردستان دانیشتێكی ئاسایی ئەنجام بدات، دەربارەی ئەوەی سەرۆكی ئەنجومەنی وەزیران ڕایگەیاند حكومەتی ھەرێم ٢٧ ملیار دۆلار قەرزارە، و بانگێشتكردنی سەرۆكی حكومەت و جێگری سەرۆكی حكومەت و وەزیری دارایی بۆ پەرلەمان و بەمەبەستی خستنەڕوی بەڵگەو وردەكاری ئەو قەرزانە.
لە چەند رۆژی رابردوودا مەسرور بارزانی، سەرۆكی حكومەتی هەرێمی كوردستان لەپەیامێكی ڤیدیۆییدا باسی چاكسازییەكانی حكومەتی كرد و رایگەیاند، حكومەت 27 ملیار دۆلار قەرزارە ئەوەش كاردانەوەی جیاوازی لێكەوتەوە.
PM:03:53:27/05/2020
ئه‌م بابه‌ته 2324
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت