پۆلیسى سليَمانى كوژرانی‌ گه‌نجێكی‌ ڕاگه‌یاند




وێستگه‌ نیوز

به‌رێوبه‌ری‌ ڕاگه‌یاندن و په‌یوه‌ندییه‌كانی‌ پۆلیسی‌ شاری‌ سلێمانی‌، ئه‌مرۆ چوارشه‌ممه‌ 27 ی‌ ئایاری‌ 2020 كوژرانی‌ گه‌نجێكی‌ به‌هۆی‌ شكاندنه‌وه‌ی‌ ئۆتۆمبێل به‌سه‌ر ئۆتۆمبێلی‌ هاوڵاتییه‌كی‌ تردا ڕاگه‌یاند.

سه‌ركه‌وت ئه‌حمه‌د، به‌رێوبه‌ری‌ ڕاگه‌یاندن و په‌یوه‌ندییه‌كانی‌ پۆلیسی‌ سلێمانی‌ ئاماژه‌ی‌ بۆ ئه‌وه‌كرد گه‌نجه‌كه‌ ته‌مه‌نی‌ 25 ساڵه‌و دانیشتووی‌ شاری‌ سلێمانییه‌.

هه‌روه‌ها وتی‌، ڕووداوه‌كه‌ له‌ ناوچه‌ی‌ ده‌باشانی‌ شاری‌ سلێمانی‌ ڕوویداوه‌ كاتێك دوو گه‌نج له‌سه‌ر شكاندنه‌وه‌ی‌ ئۆتۆمبێل بۆته‌ شه‌ڕیان و له‌رێگه‌ی‌ ده‌مانچه‌وه‌ یه‌كێكیان ئه‌وی‌ تریان ده‌كوژێت.

بكوژه‌كه‌ هه‌ڵهاتووه‌ تاوه‌كو ئێستا خۆی‌ نه‌داوه‌ته‌ ده‌ست هێزه‌كانی‌ پۆلیس، به‌ڵام به‌هۆكاری‌ بوونی‌ كامێرای‌ چاودێری‌ و شایه‌تحاڵه‌وه‌ پۆلیس توانیویه‌تی‌ جۆری‌ ئۆتۆمبێلی‌ بكوژه‌كه‌ بزانێت.


PM:12:32:27/05/2020


ئه‌م بابه‌ته 49900 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت