چوار پۆلیس له‌سه‌ر كوشتنی ره‌ش پێستێكه‌ی ئه‌مریكا له‌سه‌ر كار لابران


وێستگه‌ نیوزـ

دوای ئه‌وه‌ی له‌لایه‌ن چه‌ند پۆلیسێكی ئه‌مریكاوه‌ پیاوێكی ره‌شپێست ده‌ستگیركرا و پۆلیسه‌كان پیاوه‌كه‌یان كوشت، به‌رپرسانی ولایه‌تی مینسۆتا چوار له‌و كارمه‌ندانه‌ی پۆلیسیان له‌سه‌ر كاره‌كانیان دورخسته‌وه‌ و ناردنیه‌ ماڵه‌وه‌.

دوێنێ دووشه‌ممه‌ 26ی ئایاری 2020، له‌لایه‌ن چه‌ند پۆلیسێكه‌وه‌ له‌شاری مه‌نیئاپۆلس-ی ولایه‌تی مینسۆتای ئه‌مریكا، پیاوێكی ره‌شپێست ده‌ستگیركران، پۆلیسه‌كان پیاوه‌كه‌یان خسته‌سه‌ر سك بۆ كه‌له‌پچه‌كردن و یه‌كێك له‌ پۆلیسه‌كانیش ئه‌ژنۆی قاچی چه‌پی خسته‌ سه‌ر ملی پیاوه‌ ره‌شپێسته‌كه‌ و به‌و هۆیه‌وه‌ گیانی له‌ده‌ستداوه‌.

پیاوه‌كه‌ هه‌رچه‌نده‌ هاواری كرد كه‌ هه‌ناسه‌ی بۆ نادرێت و هه‌موو گیانی ئازار ده‌دات، به‌ڵام پۆلیسه‌كه‌ گوێی لێ نه‌گرت تا پیاوه‌كه‌ گیانی ده‌رچوو.

بڵاوبونه‌وه‌ی گرته‌ ڤیدیۆییه‌كه‌ تێكڕای رێكخراوه‌ مه‌ده‌نییه‌كانی ولایه‌ته‌كه‌ی هێنایه‌ ده‌نگ و به‌دوایدا خۆپیشاندانێكی هێمنانه‌ له‌ ژێر دروشمی "ژیانی ره‌شپێسته‌كانیش گرنگه‌" له‌و شوێنه‌دا ده‌ستیپێكرد.

دوای لێكۆڵینه‌وه‌كانیش، پۆلیسی ولایه‌تی مینسۆتا رایگه‌یاند كه‌ چوار كارمه‌ندی خۆی له‌سه‌ر كار لابردوه‌ و رایگه‌یاندوه‌ كه‌ ئێستا ئه‌و چوار كه‌سه‌ بوونه‌ته‌ فه‌رمانبه‌ری رابردوو و په‌یوه‌ندییان به‌ پۆلیسه‌وه‌ نه‌ماوه‌.



AM:10:54:27/05/2020










ئه‌م بابه‌ته 1648 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت