هاوڵاتییەك بەهۆی هەورە بروسكەوە گیانی لەدەستدا
وێستگە نیوز-
پۆلیسی راپەڕین رایگەیاند، لەناحیەی بێتواتە هاوڵاتییەك بەهۆی هەورە بروسكەوە گیانی لەدەستداوە و لێكۆڵینەوە لەڕووداوەكە بەردەوامە.
بەڕێوەبەرایەتی پۆلیسی راپەڕین بڵاویكردەوە، ئێوارەی ئەمڕۆ هاوڵاتیەكی تەمەن ۳۱ ساڵ لە ڕەگەزی نێر دانیشتوی كۆمەڵگای شكارتەی سەر بە ناحیەی بێتواتەی سەر بە قەزای ڕانیە گیانی لە دەستدا، بەوتەی كەسوكاری، ناوبراو لە نزیك ماڵی خۆیان بە هۆی بەركەوتنی هەورە بروسكەوە گیانی لەدەستداوە.
پۆلیسی راپەڕین ئاماژەی بەوەكردووە، دوای ئەنجامدانی توێكاری بۆ تەرمەكە لەپزیشكی دادیی رانیە، تەرمەكە رادەستی كەسوكاری كرایەوە و پەڕاوی لێكۆڵینەوەش بۆ رووداوەكە كراوەتەوە.
PM:07:50:30/04/2020
ئه‌م بابه‌ته 2076
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت