پله‌كانی گه‌رما به‌شێوه‌یه‌كی به‌رچاو به‌رزبوونه‌وه
وێستگه نیوزـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێم ره‌وشی كه‌شوهه‌واو پله‌كانی گه‌رمای بۆ ئه‌مڕۆ و سبه‌ینێ دووشه‌ممه 20ی نیسانی 2020، بڵاوكرده‌وه، هه‌روه‌ك پله‌كانی گه‌رما به‌شێوه‌یه‌كی به‌رچاو به‌رزبوونه‌وه.
كه‌شناسی هه‌رێم له راگه‌یه‌ندراوێكدا ده‌ڵێت: ئه‌مڕۆ ئاسمان په‌ڵه هه‌ور ده‌بێت، له دوای نیوه‌ڕۆ ده‌گۆڕێت بۆ نیمچه هه‌ور له‌گه‌ڵ ئه‌گه‌ری نمه باران له ناوچه شاخاوییه سنوورییه‌كان.
له باره‌ی پله‌كانی گه‌رماوه هاتووه: هه‌ولێر به‌رزترین پله 28، سلێمانی 27، دهۆك 27، كه‌ركوك 32 پله‌ی سه‌دی ده‌بێت.
له باره‌ی كه‌شوهه‌وای سبه‌ینێ دووشه‌ممه 20ی نیسان، كه‌شناسی هه‌رێم رایگه‌یاندووه، ئاسمان ساماڵ ده‌بێت، پاشان ده‌گۆڕێت بۆ نیمچه هه‌ور..
هــ. ر
PM:12:08:19/04/2020
ئه‌م بابه‌ته 948
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت