باری كه‌شوهه‌وای ئه‌مڕۆ و سبه‌ینێ پێنجشه‌ممه راگه‌یه‌ندرا
وێستگه نیوز ـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان باری كه‌شوهه‌واو پله‌كانی گه‌رمای بۆ ئه‌مڕۆ و سبه‌ینێ پێنجشه‌ممه 9ی نیسانی 2020ی راگه‌یاند، كه به‌م جۆره‌ی خواره‌وه‌ن.
به‌ڕێوه‌به‌رایه‌تییه‌كه بڵاویكردووه‌ته‌وه: ئه‌مڕۆ ئاسمان په‌ڵه هه‌ور ده‌بێت و هه‌ندێك جاریش ده‌گۆڕێت بۆ هه‌وری ته‌واو، له ناوچه شاخاوییه‌كانیش ئه‌گه‌ری بارینی نمه‌باران هه‌یه.
له باره‌ی پله‌كانی گه‌رمای ئەمڕۆوه هاتووه: هه‌ولێر به‌رزترین پله 26، سلێمانی 23، دهۆك 21، كه‌ركوك 21 پله‌ی سه‌دی ده‌بێت.
بۆ سبه‌ینێ پێنجشه‌ممه 9ی نیسان ئاسمان نیمچه هه‌ور و په‌ڵه هه‌ور ده‌بێت و ئه‌گه‌ری بارینی نمه‌باران له كاته‌كانی شه‌ودا هه‌یه.
له باره‌ی پله‌كانی گه‌رمای سبەینێ هاتووه: هه‌ولێر به‌رزترین پله 25، سلێمانی 24، دهۆك 20، كه‌ركوك 20 پله‌ی سه‌دی ده‌بێت.
AM:11:23:08/04/2020
ئه‌م بابه‌ته 13480
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت