سەرۆکایەتیی پەرلەمانی کوردستان: داوا له‌ هاوڵاتیان ده‌كه‌ین پشوو درێژ بن


وێستگه‌ نیوزـ

سەرۆکایەتیی پەرلەمانی کوردستان راگەیەندراوێکی‌ بڵاوكرده‌وه‌ و سه‌باره‌ت به‌ بڵاوبونه‌وه‌ی ڤایرۆسی كۆرۆنا داوای له‌ هاوڵاتیان كرد پشوو دریًژ بن و له‌ ماڵه‌كانیان بمێننه‌وه‌.

سەرۆکایەتیی پەرلەمانی کوردستان رایگه‌یاندوه‌ هەرێمی کوردستان و ناوچەکەو جیهان بەقۆناغێکی سەخت و هەستیاری مێژووی خۆیدا تێدەپەرێت کە قۆناغی خۆپاراستن و ڕووبەڕووبوونەوەی نەخۆشیی ڤایرۆسی کۆرۆناو ئیدارەدانی لێکەوتە تەندروستی و ئابوورییەکانیەتی.

له‌ به‌شێكی راگه‌یه‌ندراوه‌كه‌دا سه‌رۆكایه‌تیی په‌رله‌مانی كوردستان ده‌ڵێت "بەناوی پەرلەمانی کوردستانەوە داواو تکامان لە هاوڵاتییانی خۆشەویست ئەوەیە بەمانەوەیان لە ماڵەکانیان و پابەندبوون بە ڕێنماییە تەندروستییەکان بۆ سەلامەتیی خۆیان و تەواوی خەڵکی کوردستان پشوو درێژتربن و هاوکاریی زیاتر جێبەجیکردنی رێنماییەکان بن. 

ده‌شڵێت ئەرکی بەڕیوەبردن و ئیدارەدانی ئەم قۆناغە سەختە لەتایبەتمەندێتیی دەسەڵاتی جێبەجێکردنە ،کە بەسوپاسەوە دامەزراوەکانی حکومەتی هەریمی کوردستان لە سنووری تواناکانی بەردەست درێغییان نەکردووە.


PM:10:59:29/03/2020


ئه‌م بابه‌ته 992 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت