کۆمپانیای دانە غاز: لە کارەکانمان لە عیراق و کوردستان بەردەوامین
وێستگە نیوز-
کۆمپانیان دانەغاز رایگەیاند، لە کارەکانیان لە عیراق و هەرێمی کوردستان بەردەوام دەبن و دابەزینی نرخی نەوت کاریگەری لەسەر کارەکانی ئەوان نەبووە.
لە راگەیەندراوێکدا کۆمپانیاکە رایگەیاندووە، " 75%ی کۆی بەرهەمهێنانی کۆمپانیای دانەغاز لە بواری غازی سروشتیدایە کە بە گوێرەی رێککەوتنێک لەگەڵ حکومەتەکان کردویانە، ئەو رێککەوتنانەش 50%ی کۆی داهاتی ساڵانەی کۆمپانیاکەیان پێکدەهێنێت و "هەڵکشان و داشکانی نرخی نەوت کاریگەری ناکات سەر داهاتی ساڵانەمان"
راشیگەیاندووە، " بەرهەمهێنانی غازی سروشتی لە هەرێمی کوردستان رۆژانە دەگاتە 400 ملیۆن پێ سێجا".
ئاماژە بەوەش دراوە، "کۆمپانیای دانەغاز پەرە بەکارەکانی لە ساڵی 2020 دەدات و پاراستنی گیانی کارمەندەکانیشیان لە مەترسییەکانی بڵاوبونەوەی ڤایرۆسی کۆرۆنا لە پێشەوەی کارەکانیان دەبێت، هەروەها کارکردن لە کەرتی وزە بە گوێرەی پلانی ئامادەکراو بەردەوامی دەبێت".
AM:11:45:22/03/2020
ئه‌م بابه‌ته 2900
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت