مهسرور بارزانی: تاوانی ههڵهبجه زامێكی قووڵه و هێمای زۆردارییه بهرامبهر گهلی كورد
وێستگه نیوزـ
سهرۆكی حكومهتی ههرێم پهیامێكی بۆ یادی 32ی ساڵهی كیمیابارانی ههڵهبجه بڵاوكردهوه و رایگهیاند تاوانی ههڵهبجه زامێكی قووڵه و هێمای زۆردارییه بهرامبهر گهلی كورد.
مهسرور بارزانی، سهرۆكی حكومهتی ههرێمی كوردستان له پهیامهكهیدا رایگهیاند: کیمیاباران و کۆمەڵکوژی شاری هەڵەبجە تێدەپەڕێت کە بەشێک بوو لە سیاسەتی قڕکردن و جینۆسایدکردنی گەلی کوردستان .
وتیشی: "ئەم بیرئانینە تراژیدیایانەش پێویستە هاندەری زیاترمان بن بۆ یەکڕیزی و یەکگرتوویی و کارکردنی هاوبەش لە پێناو زاڵبوون بە سەر هەموو کارەسات و دۆخێکی سەختدا".
دهقی پهیامهكهی مهسرور بارزانی:
پەیامی سەرۆکی حکومەتی هەرێمی کوردستان بە بۆنەی (32)مین ساڵیادی کیمیابارانی هەڵەبجە
ئەمڕۆ 32 ساڵ بەسەر کیمیاباران و کۆمەڵکوژی شاری هەڵەبجە تێدەپەڕێت کە بەشێک بوو لە سیاسەتی قڕکردن و جینۆسایدکردنی گەلی کوردستان .
ئەم تاوانە گەورەیەی بەرامبەر نەتەوەکەمان ئەنجامدرا ، زامێکی قووڵە لە مێژووی گەلی کوردستاندا و هێمای ئەو ستەمکاریی و زۆردارییەیە کە بەرامبەر گەلی کوردستان کرا.
حکومەتی هەرێمی کوردستان کە بەرهەمی خوێنی شەهیدان و خۆڕاگری میللەتەکەمانە، هەموو هەوڵێک دەخاتەگەڕ بۆ خزمەتکردنی زیاتری کەسوکاری شەهیدان و ئەنفالکراوان. ئەم بیرئانینە تراژیدیایانەش پێویستە هاندەری زیاترمان بن بۆ یەکڕیزی و یەکگرتوویی و کارکردنی هاوبەش لە پێناو زاڵبوون بە سەر هەموو کارەسات و دۆخێکی سەختدا .
سەری رێز و نەوازش بۆ گیانی پاکی شەهیدانی هەڵەبجە و گشت شەهیدانی کوردستان .
مەسرور بارزانی
سەرۆکی حکومەتی هەرێمی کوردستان
2020/3/16
AM:12:12:16/03/2020
ئهم بابهته 1292
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت