به‌فربارین رێگه‌ی 158 گوندی له‌ سیده‌كان و سۆران گرتوه‌


وێستگه‌ نیوزـ

بەڕێوەبەری شارۆچکەی سیده‌كان ڕاگەیاند: بەهۆی ئەو شەپۆلە بەفر بارینەی دوو ڕۆژی ڕابروو، ڕێگای سەرەکی سیدەکان ـ سۆران و 158 گوندی دەڤەری سیدەکان داخراوە و بەگشتی لەو دەڤەرە هاتوچۆ وەستاوە. 

ئیحسان چەلەبی، بەڕێوەبەری شارۆچکەی سیده‌كان رایگه‌یاند: له‌ سه‌رله‌به‌یانیی ئه‌مڕۆوه‌ تیمەکانی ڕێگاوبانی سەربە کەرتی چواری سۆران، سەرقاڵی پاککردنەوەیی ڕێگای سۆران سیدەکانن، بەڵام بەهۆی زۆری ڕێژەی بەفربارین نەتوانراوە ڕێگاکە بەتەواوی بکەنەوە و تیمەکان لە ڕامالینی بەفر بەردەوامن. 

وتیشی: لە هەوڵی ئەوەداین لە ڕێگای تیمەکانی ڕێگاوبان و گرتنی شۆفەڵ، ڕێگای سەرەکی دەشتی هێرت ، سیدەکان و گوندەکانی دیکەی ئەو دەڤەرە بکەینه‌وه‌. 

لەماوەی دوو ڕۆژی ڕابردوودا لە نێو سەنتەری شارۆچکەی سیدەکان 47 سانتیمه‌تر بەفرباریوە و لە گوند و ئاوایبەکانی دەوروبەریشی به‌فر گه‌یشتوه‌ته‌ زیاترله‌ نیو مه‌تر.


PM:05:34:14/02/2020


ئه‌م بابه‌ته 608 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو