لە رووداوە هاتوچۆکەی گەرمیاندا 14 بریندار هەیە و کەسێکیش گیانی لە دەستداوە

‌دیمەنێک لە رووداوەکە

وێستگه‌ نیوز-

نیوەڕۆی ئەمڕۆ پێنجشەممە له‌ سەر رێگای کەلار_ سلێمانی و ناحیه‌ی‌ باوه‌نوری‌ سه‌ر به‌ ئیداره‌ی‌ گه‌رمیان چه‌ند ئۆتۆمبێلێك پێكیاندا و له‌ئه‌نجامدا ژماره‌یه‌ك قوربانی‌ لێ‌ كه‌وته‌وه‌.

سەرچاوەیەک لە به‌رێوبه‌رایه‌تی‌ هاتوچۆی‌ گه‌رمیان به‌ وێستگه‌ نیوزی‌ راگه‌یاند: رووداوه‌كه‌ لەنێوان چوار ئۆتۆمێلدا کە دوو ئاڵتیماو تەنکەرێکی سوتەمەنی و پاسێکە لەناحیەی باوەنوور لەسەر رێگای گشتی کەلار_ سلێمانی روویداوە.

بەپێی زانیاریە سەرەتاییەکان تا ئێستا لە رووداوە هاتوچۆکەی سەر رێگای کەلار_ سلێمانی لەناحیەی باوەنور 14 کەس بریندارە و یەک کەس گیانی لەدەست داوە.

هاوکات پۆلیسی گەرمیان لە بارەی رووداوەکەوە رایگەیاندووە: لە رووداوەکەدا خوێندکارێک کەسەرنشینی پاسەکەبوو بەناوی (محەمەد جەبار عەبدولقادر) لەدایکبووی 2003 دانیشتووی گوندی زەماوەنگە گیانی لەدەستداو چواردە کەسی دیکەش برینداربوون.

ئەوەشی راگەیاندووە: لەئێستادا چارەسەری پێویست لەنەخۆشخانەی ناحییەی باوەنوور بۆبریندارەکان کراوەو پێنج لەبریندارەکان بەهۆی سەختی برینەکانیانەوە رەوانەی نەخۆشخانەی سلێمانی کراون.


PM:12:41:13/02/2020












ئه‌م بابه‌ته 19532 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو